ବଜ୍ରକାପ୍ତା ଜବତ: ନୂଆପଡା ଯୁବକକୁ ଗିରଫ କଲା ଛତିଶଗଡ ପୁଲିସ୍
ନୂଆପଡା: ନୂଆପଡା ଜିଲ୍ଲା ସୀମାନ୍ତ ଛତିଶଗଡ ରାଜ୍ୟ ଗରିଆବନ୍ଧ ଜିଲ୍ଲା ପୁଲିସ୍ ଦ୍ବାରା ବଜ୍ରକାପ୍ତା ଚୋରା ଚଳାଣ ବେଳେ ନୂଆପଡା ଜିଲ୍ଲାର ଜଣେ ବ୍ୟବସାୟୀ ଗିରଫ ହୋଇଛି। ବଜ୍ରକାପ୍ତାକୁ ପୋଲିସ ଜବତ କରିଛି । ଗତକାଲି ଗରିଆବନ୍ଧ ଜିଲ୍ଲା ପୋଲିସକୁ ବିଶେଷ ସୂତ୍ରରୁ ସୂଚନା ମିଳିଥିଲା ଯେ, ଜିଲ୍ଲାର ମୈନପୁର ଅଞ୍ଚଳରେ ବଜ୍ରକାପ୍ତା ଚୋରାଚଳାଣ ଗୋାଷ୍ଠୀ ସକ୍ରିୟ ଅଛି । ମୈନପୁର ଥାନା ଅଧିକାରୀଙ୍କ ନେତୢତ୍ବରେ ଏକ ଟିମ ଗଠନ କରାଯାଇଥିଲା ।
Sambad is now on WhatsApp
Join and get latest news updates delivered to you via WhatsApp
ମୈନପୁର ଥାନା ଅଞ୍ଚଳର କୁଲହାଡିଘାଟ ଗାଁରେ ଜଣେ ଅଜଣା ଯୁବକ ଏକ ଝୋଟ ବସ୍ତାରେ କଣ ଧରି କାହାକୁ ଅପେକ୍ଷା କରି ଥିଲା । ତାକୁ ପଚରା ଉଚରା ପରେ ତା ବସ୍ତାକୁ ଖାନତଲାସି କଲା ପରେ ଏକ ଜୀବନ୍ତ ବଜ୍ରକାପ୍ତା ବାହାରି ଥିଲା । ଯୁବକଙ୍କୁ ଗିରଫ କରା ଯାଇ ବଜ୍ରକାପ୍ତାକୁ ଜବତ କରାଯାଇଛି । ଗିରଫ ଯୁବକ ଜଣକ ନୂଆପଡା ଜିଲ୍ଲା ସିନାପାଲି ଥାନା ଘୁଚାଗୁଡା ଗାଁର ପିତାମ୍ବର କଟା । ଆଜି ତାଙ୍କୁ ବନ୍ୟ ପ୍ରାଣୀ ସଂରକ୍ଷଣ ଆଇନ ୧୯୭୨ରେ ଗିରଫ କରାଯାଇ କୋର୍ଟ ଚଳାଣ କରାଯାଇଛି । ବଜ୍ରକାପ୍ତା କେଊଁଠୁ ଧରିଥିଲା ଜଣା ପଡିନି ।