ଟିଜି ଶିକ୍ଷକ ନିଯୁକ୍ତି ପାଇଁ ୨୫ରୁ ଅନ୍ଲାଇନ୍ ପରୀକ୍ଷା
ଭୁବନେଶ୍ବର : ରାଜ୍ୟର ସରକାରୀ ମାଧ୍ୟମିକ ବିଦ୍ୟାଳୟଗୁଡ଼ିକରେ ଖାଲିଥିବା ଟିଜି ଶିକ୍ଷକ ଓ ତେଲଗୁ ଶିକ୍ଷକ ପଦରେ ନିଯୁକ୍ତି ନିମନ୍ତେ ମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ ପକ୍ଷରୁ ଅନ୍ଲାଇନ୍ ପରୀକ୍ଷା ପାଇଁ ତାରିଖ ଘୋଷଣା କରାଯାଇଛି। ଅକ୍ଟୋବର ୨୫ରୁ ୨୮ ମଧ୍ୟରେ ଏହି ପରୀକ୍ଷା ଅନୁଷ୍ଠିତ ହେବ। ୨୫ତାରିଖରେ ଟିଜିଟି- ପିଜିଏମ୍, ୨୬ରେ ଟିଜିଟି-ସିବିଜେଡ୍, ୨୭ ଓ ୨୮ ତାରିଖରେ ଟିଜିଟି ଆର୍ଟସ ପଦ ନିମନ୍ତେ ପରୀକ୍ଷା ଅନୁଷ୍ଠିତ ହେବାକୁ ସ୍ଥିର ହୋଇଛି। ଆସନ୍ତା ୧୬ ତାରିଖରୁ ପ୍ରାର୍ଥୀମାନେ ଆଡ୍ମିଟ୍ କାର୍ଡ ଡାଉନ୍ଲୋଡ୍ କରିପାରିବେ। ଏନେଇ ଆଜି ସନ୍ଧ୍ୟାରେ ବିଦ୍ୟାଳୟ ଓ ଗଣଶିକ୍ଷା ବିଭାଗ ସଚିବ ସତ୍ୟବ୍ରତ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ବୈଠକରେ ବିଭାଗୀୟ ଅଧିକାରୀଙ୍କ ସମେତ ମାଧ୍ୟମିକ ଶିକ୍ଷା ନିର୍ଦ୍ଦେଶକ ରଘୁରାମ ଆୟର ଉପସ୍ଥିତ ଥିଲେ। ପରୀକ୍ଷାର ବିଶଦ୍ କାର୍ଯ୍ୟସୂଚୀ ଶୁକ୍ରବାର ୱେବ୍ସାଇଟ୍ରେ ପ୍ରକାଶିତ ହେବ।
