ଏଣିକି ପଞ୍ଜିକୃତ ଦଲିଲର ନକଲ ପାଇଁ ଅନ୍ଲାଇନରେ ଫି’ ଦାଖଲ କରିହେବ
ଭୁବନେଶ୍ୱର: ବର୍ତମାନ ପଞ୍ଜିକୃତ ଦଲିଲର ସାର୍ଟିଫାଏଡ୍ ନକଲ ପାଇଁ ଷ୍ଟାମ୍ପ ପେପର ମାଧ୍ୟମରେ ଫି’ ଦାଖଲ କରିବାକୁ ପଡ଼ୁଛି। ତେବେ ଏଥିରେ ପରିବର୍ତନ ଆଣିଛି ରାଜସ୍ୱ ଓ ବିପର୍ଯ୍ୟୟ ପରିଚାଳନା ବିଭାଗ। ଏଣିକି ଦଲିଲର ନକଲ ପାଇବା ପାଇଁ ଷ୍ଟାମ୍ପ ପେପର ପରିବର୍ତେ ଅନ୍ଲାଇନରେ ଫି’ ଦାଖଲ କରିହେବ। ଏଥିପାଇଁ ଓଡ଼ିଶା ଷ୍ଟାମ୍ପ ରୁଲ୍ ୧୯୫୨ରେ ପ୍ରସ୍ତାବିତ ସଂଶୋଧନକୁ ବିଭାଗୀୟ ମନ୍ତ୍ରୀ ମହେଶ୍ୱର ମହାନ୍ତି ଅନୁମୋଦନ କରିଛନ୍ତି। ଏ ନେଇ ଆଇଜି, ରେଜିଷ୍ଟ୍ରେସନ ତରଫରୁ ଚିଠା ସଂଶୋଧନ ପ୍ରସ୍ତାବ ଉପସ୍ଥାପନ କରାଯାଇଥିଲା। ସଂଶୋଧିତ ନିୟମ ଅନୁଯାୟୀ ନକଲ ପାଇଁ ଆବେଦନକାରୀଙ୍କୁ ଷ୍ଟାମ୍ପ ପେପର ବଦଳରେ ନିର୍ଧାରିତ ହେଡ୍ ଅଫ୍ ଆକାଉଣ୍ଟରେ ଇଲେକ୍ଟ୍ରୋନିକ୍ସ ପେମେଣ୍ଟ ଜରିଆରେ ଧାର୍ଯ୍ୟ ଫି’ ଦାଖଲ କରିବାକୁ ହେବ।