‘ଅଗ୍ନି-୩’ର ବ୍ୟାବହାରିକ ପରୀକ୍ଷଣ ସଫଳ
ବାଲେଶ୍ବର/ଧାମରା: ଭଦ୍ରକ ଜିଲ୍ଲା ଧାମରା କଲାମ୍ ଦ୍ବୀପରୁ ବୁଧବାର ସନ୍ଧ୍ୟା ସାଢ଼େ ୭ଟା ସମୟରେ ବହୁ ଦୂରଗାମୀ ଅଗ୍ନି-୩ କ୍ଷେପଣାସ୍ତ୍ରର ବ୍ୟାବହାରିକ ପରୀକ୍ଷଣ କରାଯାଇଛି। କଲାମ୍ ଦ୍ବୀପର ୪ ନମ୍ବର ଲଞ୍ଚପ୍ୟାଡ୍ରୁ ଏହି ପରୀକ୍ଷଣ କରାଯାଇଥିବା ବେଳେ ମିସନ୍ ସଫଳ ହୋଇଥିବା ପ୍ରତିରକ୍ଷା ବିଭାଗ ପକ୍ଷରୁ ସୂଚନା ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ପ୍ରତିରକ୍ଷା ଗବେଷଣା ସଂସ୍ଥା (ଡିଆରଡିଓ) ସମ୍ପୂର୍ଣ୍ଣ ସ୍ୱଦେଶୀ ଜ୍ଞାନକୌଶଳରେ ଅଗ୍ନି-୩କୁ ନିର୍ମାଣ କରିଛି। ଏଥିରେ ୩୫୦ ଆମେରିକୀୟ ଡଲାର ଖର୍ଚ୍ଚ ହୋଇଥିବା ବେଳେ କ୍ଷେପଣାସ୍ତ୍ରର ଓଜନ ୫୦ ଟନ୍, ଲମ୍ବ ୧୭ ମିଟର, ଓସାର ୨ ମିଟର ଓ ଏହାର ଗତି ସେକେଣ୍ଡ ପ୍ରତି ୫ କିମି ରହିଛି। ଏହି କ୍ଷେପଣାସ୍ତ୍ରରେ ୨ ଷ୍ଟେଜ୍ ବିଶିଷ୍ଟ କଠିନଇନ୍ଧନ ବ୍ୟବହାର କରାଯାଇଥିବାବେଳେ ଏହା ୩୫୦୦ କିମିରୁ ୫ ହଜାର କିମି ପର୍ଯ୍ୟନ୍ତ ଲକ୍ଷ୍ୟଭେଦ କରିପାରିବ। ଆଜିର ପରୀକ୍ଷଣ ଏକ ମୋବାଇଲ ଲଞ୍ଚର୍ରୁ ହୋଇଥିଲା। ଉଭୟ ପାରମ୍ପରିକ ଓ ଆଣବିକ ଯୁଦ୍ଧାସ୍ତ୍ର ବହନ କରିବାର କ୍ଷମତା ରଖିଛି ଅଗ୍ନି-୩।