୨ ବର୍ଷରେ ସାଇବର ଠକଙ୍କଠାରୁ ୩.୫ କୋଟିରୁ ଅଧିକ ଜବତ: ମୁଖ୍ୟମନ୍ତ୍ରୀ

ଭୁବନେଶ୍ୱର: ଗତ ଦୁଇ ବର୍ଷ ମଧ୍ୟରେ, ଜାନୁଆରି ୨୦୨୫ ସୁଦ୍ଧା, ଆର୍ଥିକ ଠକେଇ ମାମଲାରେ ଜଡିତ ସାଇବର ଠକମାନଙ୍କଠାରୁ ଓଡ଼ିଶାରେ ୩.୫ କୋଟିରୁ ଅଧିକ ଟଙ୍କା ଜବତ କରାଯାଇଛି।

ସୋମବାର ଦିନ ବିଧାନସଭାରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଏହି ସୂଚନା ପ୍ରଦାନ କରିଛନ୍ତି। 

ଏକ ଲିଖିତ ଉତ୍ତରରେ ମୁଖ୍ୟମନ୍ତ୍ରୀ କହିଛନ୍ତି ଯେ, ୨୦୨୩ ମସିହାରେ ୧.୩୬୨ ସାଇବର ଅପରାଧ ମାମଲା ରିପୋର୍ଟ ହୋଇଥିଲା। ଗିରଫ ହୋଇଥିବା ଲୋକଙ୍କ ମଧ୍ୟରେ ୧୫୫ ଜଣ ପୁରୁଷ ଏବଂ ୮ ଜଣ ମହିଳା ଥିଲେ। ଚୋରି ହୋଇଥିବା ମୋଟ ପରିମାଣ ୪୭.୭୬ କୋଟି ଟଙ୍କା ଥିଲା। ସେଥିମଧ୍ୟରୁ ୧.୫୩ କୋଟି ଟଙ୍କା ଜବତ କରାଯାଇଥିଲା ଏବଂ ୨.୨୮ କୋଟି ଟଙ୍କା ଫ୍ରିଜ୍ କରାଯାଇଥିଲା।

ସେହିପରି, ୨୦୨୪ ମସିହାରେ ମାମଲା ସଂଖ୍ୟା ୧,୫୫୩କୁ ବୃଦ୍ଧି ପାଇଥିଲା। ୧୮୯ ପୁରୁଷ ଏବଂ ୨ ଜଣ ମହିଳାଙ୍କୁ ଗିରଫ କରାଯାଇଥିଲା। ଚୋରି ହୋଇଥିବା ପରିମାଣ ୧୫୩.୧୬ କୋଟି ଟଙ୍କା ଥିଲା। ସେଥିମଧ୍ୟରୁ ୧.୯୯କୋଟି ଟଙ୍କା ଉଦ୍ଧାର କରାଯାଇଥିଲା ଏବଂ ୮.୫୩ କୋଟି ଟଙ୍କା ଫ୍ରିଜ୍ କରାଯାଇଥିଲା।

ଜାନୁଆରି ୨୦୨୫ ସୁଦ୍ଧା ୧୧୫ ଟି ସାଇବର ଅପରାଧ ମାମଲା ରିପୋର୍ଟ କରାଯାଇଥିଲା, ଯେଉଁଥିରେ ୭ ଜଣଙ୍କୁ ଗିରଫ କରାଯାଇଥିଲା।

ଆଠଗଡ଼ ବିଜେଡି ବିଧାୟକ ରଣେନ୍ଦ୍ର ପ୍ରତାପ ସ୍ୱାଇଁ ପ୍ରଶ୍ନ କରିଥିଲେ ଯେ, ଗତ ଦୁଇବର୍ଷ ଠାରୁ ଅଦ୍ୟାବଧି ଚଳିତ ବର୍ଷରେ ରାଜ୍ୟ ସଂଗଠିତ ହୋଇଥିବା ବ୍ୟାଙ୍କ ଜାଲିଆତି ଡିଜିଟାଲ ଠକେଇର ଏକ ସୁବିସ୍ତୃତ ବିବରଣୀ ଉପସ୍ଥାପନା କରିବେ କି ? ଏହା କେତେ ପ୍ରତିଶତ ବଢ଼ିଛି ନା କମିଛି ଏବଂ ଏଭଳି ଡିଜିଟାଲ ଠକେଇକୁ ନିୟନ୍ତ୍ରଣ କରିବାକୁ ସରକାର କି କି ଟେକ୍ନୋଲୋଜି ଓ ପଦ୍ଧତିମାନ ପ୍ରୟୋଗ କରୁଛନ୍ତି ତାହାର ଏକ ବିବରଣୀ ଉପସ୍ଥାପନା କରିବେ କି ? ଏହି ଠକେଇରେ ସମୁଦାୟ କେତେ ପରିମାଣ ଟଙ୍କାର ଜଡିତ ଅଛି ତାହାର ଏକ ବର୍ଷୱାରୀ ବିବରଣୀ ଦେବେ କି ? 

ଏହାର ଉତ୍ତରରେ ମୁଖ୍ୟମନ୍ତ୍ରୀଙ୍କ ସୂଚନା ଅନୁଯାୟୀ, ଚୋରି ହୋଇଥିବା ପରିମାଣ ୨୦.୭୫ କୋଟି ଟଙ୍କା ଥିଲା, ଯେଉଁଥିରୁ ୩୦,୬୦୦ ଟଙ୍କା ଉଦ୍ଧାର କରାଯାଇଥିଲା ଏବଂ ୫୯.୬୧ ଲକ୍ଷ ଟଙ୍କା ଫ୍ରିଜ୍ କରାଯାଇଥିଲା।

ମୁଖ୍ୟମନ୍ତ୍ରୀ ଏହା ମଧ୍ୟ ଉଲ୍ଲେଖ କରିଛନ୍ତି ଯେ ୨୦୨୩ ତୁଳନାରେ ୨୦୨୪ ମସିହାରେ ଓଡ଼ିଶାରେ ଆର୍ଥିକ ଠକେଇ ସମ୍ପର୍କିତ ସାଇବର ମାମଲା ୧୪.୦୨% ବୃଦ୍ଧି ପାଇଛି।

ସେହିପରି, ମୁଖ୍ୟମନ୍ତ୍ରୀ ୨୦୨୩, ୨୦୨୪ ଏବଂ ୨୦୨୫ (ଜାନୁଆରି ୩୧, ୨୦୨୫ ପର୍ଯ୍ୟନ୍ତ) ପାଇଁ ସାଇବର ହେଲପଲାଇନ୍ ୧୯୩୦ ରେ ମିଳିଥିବା ମୋଟ ଆର୍ଥିକ ଠକେଇ ଅଭିଯୋଗ ସଂଖ୍ୟା ଉପରେ ଏକ ବିବୃତି ପ୍ରଦାନ କରିଥିଲେ। 

ଏହି ପରିପ୍ରେକ୍ଷୀରେ, ମୁଖ୍ୟମନ୍ତ୍ରୀ ଉଲ୍ଲେଖ କରିଛନ୍ତି ଯେ, ୨୦୨୩ ତୁଳନାରେ ୨୦୨୪ ମସିହାରେ ୧୯୩୦ ସାଇବର ହେଲ୍ପଲାଇନ୍‌ରେ ପ୍ରାପ୍ତ ଆର୍ଥିକ ଠକେଇ ଅଭିଯୋଗ ସଂଖ୍ୟା ୧୨୯.୮% ବୃଦ୍ଧି ପାଇଛି।

ଅଧିକ ପଢ଼ନ୍ତୁ: ଔଷଧ ସେବନ କଲେ ଉପଶମ ହେଉନି ରୋଗ: ବଜାରରେ ନକଲି ଔଷଧ ରାକେଟ

ଏହା ସହିତ, ମୁଖ୍ୟମନ୍ତ୍ରୀ ୨୦୨୩, ୨୦୨୪ ଏବଂ ୨୦୨୫ (ଜାନୁଆରି ୩୧, ୨୦୨୫ ପର୍ଯ୍ୟନ୍ତ) ପାଇଁ ଏନସିଆରପି(ଜାତୀୟ ସାଇବର ଅପରାଧ ରିପୋର୍ଟିଂ ପୋର୍ଟାଲ, ୧୯୩୦ ସମେତ) ମାଧ୍ୟମରେ ପ୍ରାପ୍ତ ମୋଟ ଆର୍ଥିକ ଠକେଇ ଅଭିଯୋଗ ସଂଖ୍ୟା ବିଷୟରେ ସୂଚନା ପ୍ରଦାନ କରିଥିଲେ। ୨୦୨୩ ତୁଳନାରେ ୨୦୨୪ରେ ପ୍ରାପ୍ତ ଅଭିଯୋଗରେ ୧୪୨% ବୃଦ୍ଧି ଘଟିଛି।

ଏହା ବ୍ୟତୀତ, ମୁଖ୍ୟମନ୍ତ୍ରୀ ୨୦୨୨, ୨୦୨୩ ଏବଂ ୨୦୨୪ ମସିହାରେ ହୋଇଥିବା ବ୍ୟାଙ୍କ ଠକେଇ ମାମଲା ବିଷୟରେ ମଧ୍ୟ ବିବରଣୀ ପ୍ରଦାନ ମୁଖ୍ୟମନ୍ତ୍ରୀ କରିଛନ୍ତି।

ଅଧିକ ପଢ଼ନ୍ତୁ: ସୁନା ଚୋରା ଚାଲାଣ ପରେ ନୂଆ ବିବାଦରେ ରାଣ୍ୟା