ବିବାହ ବନ୍ଧନରେ ବାନ୍ଧିହେଲେ ବିଶ୍ବ ରେକର୍ଡଧାରୀ ପଞ୍ଚ୍ମ୍ୟାନ୍ ସତ୍ୟପୀର
ପାକିସ୍ତାନୀ ରେକର୍ଡ ଭାଙ୍ଗିଥିଲେ
ଭବାନୀପାଟଣା : ଭାରତର ପଞ୍ଚ୍ମ୍ୟାନ ଭାବରେ ପରିଚିତ ସତ୍ୟପୀର ପ୍ରଧାନ ବିବାହ ବନ୍ଧନରେ ବାନ୍ଧି ହୋଇଛନ୍ତି। କଳାହାଣ୍ଡି ଜିଲ୍ଲା ଭବାନୀପାଟଣା ସଦର ବ୍ଲକ ଅନ୍ତର୍ଗତ ଦେପୁର ଗ୍ରାମର ସତ୍ୟପୀର କେସିଙ୍ଗା ବ୍ଲକର ଅଧମୁଣ୍ଡା ଗ୍ରାମର ଲିପ୍ସା ପ୍ରଧାନଙ୍କୁ ବିବାହ କରିଛନ୍ତି। ତାଙ୍କ ନିକଟକୁ ଏ ଅବସରରେ ବିଭିନ୍ନ ମହଲରୁ ଶୁଭେଚ୍ଛା ଓ ଶୁଭକାମନାର ସୁଅ ଛୁଟୁଛି।
Sambad is now on WhatsApp
Join and get latest news updates delivered to you via WhatsApp
ସତ୍ୟପୀର ୨୦୧୭ ମସିହା ଜୁନ ୨୦ ତାରିଖରେ ଗିନିଜ ବୁକ୍ ଅଫ୍ ୱାର୍ଲଡ୍ ରେକର୍ଡରେ ସ୍ଥାନ ପାଇଥିଲେ। ପାକିସ୍ତାନର ମାର୍ଶଲ ଆର୍ଟ ଫାଉଣ୍ଡେସନର ପ୍ରତିଷ୍ଠାତା ମହମ୍ମଦ ରସିଦ ଗୋଟିଏ ହାତରେ ୧ ମିନିଟରେ ୩୭୭ ଥର ପଞ୍ଚ ମାରି କରିଥିବା ବିଶ୍ବ ରେକର୍ଡକୁ ଭାଙ୍ଗିଥିଲେ ସତ୍ୟପୀର। ସେ ଗୋଟିଏ ହାତରେ ୧ ମିନିଟରେ ୩୯୩ ଥର ପାଞ୍ଚ ମାରି ନୂଆ ରେକର୍ଡ କରିଥିଲେ। ବର୍ତ୍ତମାନ ସତ୍ୟପୀର କୋଇମ୍ବାଟୁରଠାରେ କେପିଆର ମିଲ୍ ଲିମିଟେଡ଼ରେ କ୍ରୀଡ଼ା ଓ ଶିକ୍ଷା ଅଧିକାରୀ ଭାବେ ଚାକିରି କରୁଛନ୍ତି।