କରୋନା ପାଇଁ ରାଜ୍ୟରେ ମୁଣ୍ଡପିଛା ଆୟ କମିଛି
ଭୁବନେଶ୍ବର : ରାଜ୍ୟରେ କରୋନା ଜନିତ ଅଚଳାବସ୍ଥା ପାଇଁ ମୁଣ୍ଡପିଛା ଆୟ ଓ ଅଭିବୃଦ୍ଧି ହାର ଉପରେ ଏହାର ପ୍ରଭାବ ଦେଖିବାକୁ ମିଳିଛି। ୨୦୨୦/୨୧ ଆର୍ଥିକ ବର୍ଷରେ ରାଜ୍ୟରେ ଅଭିବୃଦ୍ଧି ହାର ବିଯୁକ୍ତାତ୍ମକ ଥିବା ବେଳେ ମୁଣ୍ଡପିଛା ଆୟରେ ମଧ୍ୟ ହ୍ରାସ ଘଟିଛି। ତେବେ ୨୦୨୧/୨୨ବର୍ଷରେ ଉଭୟ ସାମଗ୍ରିକ ଘରୋଇ ଉତ୍ପାଦ ଓ ମୁଣ୍ଡପିଛା ଆୟର ଅଭିବୃଦ୍ଧି ହେବ ରାଜ୍ୟ ସରକାର ଅଗ୍ରୀମ ଆକଳନରୁ ସୂଚନା ମିଳିଥିବା ବିଧାନସଭାରେ ଉତ୍ତର ରଖିଛନ୍ତି ଅର୍ଥମନ୍ତ୍ରୀ ନିରଞ୍ଜନ ପୂଜାରୀ।
Sambad is now on WhatsApp
Join and get latest news updates delivered to you via WhatsApp
ବିଧାୟକ ସୌମ୍ୟରଂଜନ ପଟ୍ଟନାୟକଙ୍କ ଏକ ପ୍ରଶ୍ନର ଉତ୍ତରରେ ଶ୍ରୀ ପୂଜାରୀ କହିଛନ୍ତି, ୨୦୨୦-୨୧ ସାମଗ୍ରିକ ଘରୋଇ ଉତ୍ପାଦ ଓ ମୁଣ୍ଡପିଛା ଆୟର ସଂକୋଚନ ହୋଇଥିଲା। ୨୦୨୦-୨୧ ଆର୍ଥିକ ବର୍ଷ ପାଇଁ ଯୋଜନା ସହାୟତା ଅନୁଦାନ ବାବଦକୁ ୩୨ହଜାର କୋଟି ଟଙ୍କାର ବଜେଟ ଅଟକଳ କରାଯାଇଥିବା ବେଳେ ୨୩,୦୬୮.୩୫ କୋଟି ଟଙ୍କା ମିଳିଛି। ସେହିପରି ୨୦୨୧/୨୨ ଆର୍ଥିକ ବର୍ଷ ପାଇଁ ଯୋଜନା ସହାୟତା ଅନୁଦାନ ବାବଦକୁ ୩୭,୯୬୩.୩୨ କୋଟି ଟଙ୍କାର ବଜେଟ ଅଟକଳ ହୋଇଥିବା ବେଳେ ଜାନୁଆରି ମାସ ଶେଷ ସୁଦ୍ଧା ୧୩,୨୭୭.୬୪ କୋଟି ଟଙ୍କା ପ୍ରାପ୍ତ ହୋଇଥିବା ସେ କହିଛନ୍ତି।