ବଢ଼ୁଛି ରାଜ୍ୟର ମୁଣ୍ଡପିଛା ଋଣଭାର : ବର୍ତ୍ତମାନ ମୁଣ୍ଡପିଛା ଋଣ ୨୩,୫୨୪ ଟଙ୍କା, ୧୦ ବର୍ଷ ପୂର୍ବରୁ ଥିଲା ୯,୧୮୦ ଟଙ୍କା
ଭୁବନେଶ୍ବର: ଓଡ଼ିଶାରେ ମୁଣ୍ଡ ପିଛା ୠଣ ୨୩ ହଜାର ୫୨୪ ଟଙ୍କା ୮୨ ପଇସା । ରାଜ୍ୟର ସାମଗ୍ରୀକ ଋଣଭାର କେତେ ଓ ମୁଣ୍ଡପିଛା ଋଣ କେତେ ରହିଛି ବୋଲି କଂଗ୍ରେସ ବିଧାୟକ ତାରାପ୍ରସାଦ ବାହିନୀପତିଙ୍କ ଏକ ପ୍ରଶ୍ନର ଉତ୍ତରରେ ବିଧାନସଭାରେ ଏହି ସୂଚନା ଦେଇଛନ୍ତି ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ।
Sambad is now on WhatsApp
Join and get latest news updates delivered to you via WhatsApp
କଂଗ୍ରେସ ବିଧାୟକ ତାରାପ୍ରସାଦ ବାହିନୀପତି ପ୍ରଶ୍ନ କରିଥିଲେ ଯେ, ରାଜ୍ୟର ସାମଗ୍ରୀକ ଋଣ ଭାର କେତେ? ବୈଦେଶିକ ଋଣ କେତେ? ଆଭ୍ୟନ୍ତରୀଣ ଋଣ ଓ ବ୍ୟାଙ୍କ ମାନଙ୍କରୁ ଋଣ କେତେ? ସେହି ଆଧାରରେ ଏବେ ପ୍ରତ୍ୟେକ ଲୋକଙ୍କ ଉପରେ ମୁଣ୍ଡ ପିଛା ଋଣ କେତେ ?
ଏହି ପ୍ରଶ୍ନର ଉତ୍ତର ରଖି ଅର୍ଥମନ୍ତ୍ରୀ ନିରଞ୍ଜନ ପୂଜାରୀ କହିଥିଲେ, ଜାନୁଆରି ମାସ ଶେଷ ସୁଦ୍ଧା ମୁଣ୍ଡ ପିଛା ଋଣ ଭାର ୨୩, ୫୨୪ ଟଙ୍କା ରହିଛି । ସେହିପରି ୨୦୦୯-୧୦ ଆର୍ଥିକ ବର୍ଷରେ ମୁଣ୍ଡ ପିଛା ହାର ୯,୧୮୦ ଟଙ୍କା ରହିଥିଲା । ଆମ ରାଜ୍ୟର ବର୍ତ୍ତମାନ ମୁଣ୍ଡପିଛା ଋଣଭାର ଅନ୍ୟ ପ୍ରମୁଖ ରାଜ୍ୟମାନଙ୍କ ତୁଳନାରେ ଯଥେଷ୍ଟ କମ ରହିଛି ବୋଲି ସେ ସ୍ପଷ୍ଟ କରିଛନ୍ତି।
୨୦୨୦-୨୧ ଆର୍ଥିକ ବର୍ଷର ଶେଷ ସୁଦ୍ଧା ରାଜ୍ୟର ଋଣଭାର ୧ ଲକ୍ଷ ୩ହଜାର ୪୧୦ କୋଟି ଥିବା ବେଳେ ଏ ମଧ୍ୟରୁ ୬,୩୪୭ କୋଟି ବୈଦେଶିକ ଋଣ ରହିଛି। ସେହିପରି ୧୫, ୬୨୩ କୋଟି ଟଙ୍କା ନାବାର୍ଡରୁ ଋଣ କରାଯାଇଥିବା ବେଳେ ୫୩, ୩୮୫ କୋଟି ଟଙ୍କା ଆଭ୍ୟନ୍ତରୀଣ ସୂତ୍ରରୁ ଋଣ କରିଛନ୍ତି ସରକାର।