ହାଇକୋର୍ଟରେ ଏ-୪ ସାଇଜ କାଗଜ ବ୍ୟବହାରକୁ ଅନୁମତି
କଟକ : ହାଇକୋର୍ଟର ଅଦାଲତି କାର୍ଯ୍ୟରେ ଏ-୪ ସାଇଜର କାଗଜ ବ୍ୟବହାର ହେବ। ଏ ନେଇ ହାଇକୋର୍ଟ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ୨୦୨୧, ଜାନୁଆରି ୨୮ରେ ଅନୁଷ୍ଠିତ ଫୁଲ୍ କୋର୍ଟ ବୈଠକରେ ନିଆଯାଇଥିବା ନିଷ୍ପତ୍ତି ଆଧାରରେ ଆଜି ଏ ନେଇ ବିଜ୍ଞପ୍ତି ପ୍ରକାଶ ପାଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ, ହାଇକୋର୍ଟ ଅଫ୍ ଓଡ଼ିଶା ରୁଲ୍ସ, ୧୯୪୮ରେ ବର୍ତ୍ତମାନ ଥିବା ବ୍ୟବସ୍ଥାରେ ଗୁରୁତ୍ବପୂର୍ଣ୍ଣ ସଂଶୋଧନ କରାଯାଇଛି। ନୂଆ ବ୍ୟବସ୍ଥା ଅନୁସାରେ ଉଚ୍ଚମାନର ଏ-୪ କାଗଜ ଯାହା କି ୭୫ ଜିଏସଏମରୁ କମ୍ ହୋଇ ନଥିବ ବ୍ୟବହାର କରାଯିବ। ଏପରି କାଗଜର ଗୋଟିଏ ପାର୍ଶ୍ବରେ ପ୍ରିଣ୍ଟ କରାଯିବ। କାଗଜର ବାମ ଓ ଡାହାଣ ପଟେ ୫ ସେଣ୍ଟିମିଟର ଲେଖାଏ ଏବଂ ଉପର ଓ ତଳ ପଟେ ୩ ସେଣ୍ଟିମିଟର ଲେଖାଏ ମାର୍ଜିନ୍ ରଖାଯିବ। ହାଇକୋର୍ଟଙ୍କ ଏ ସଂପର୍କିତ ବିଜ୍ଞପ୍ତି ପରେ ଅଦାଲତି କାର୍ଯ୍ୟରେ ଏ-୪ କାଗଜ ବ୍ୟବହାର ପାଇଁ ଅନୁମତି ମିଳିଛି।