ମହାମାରୀ କାଳରେ କଲେଜରେ ରୋଗୀସେବା କରିଥିବା ପିଜି ଶେଷବର୍ଷ ଛାତ୍ରଛାତ୍ରୀଙ୍କୁ କୋଭିଡ ଡ୍ୟୁଟି ଲାଗି ଅର୍ଥ ମିଳିବ
ଭୁବନେଶ୍ବର : କୋଭିଡ ମହାମାରୀ ସମୟରେ ଯେଉଁ ଶେଷ ବର୍ଷର ପିଜି ଡାକ୍ତରମାନେ ନିଜ ମେଡିକାଲ କଲେଜରେ ରୋଗୀସେବା କରିଛନ୍ତି ତାହାକୁ କୋଭିଡ ଡ୍ୟୁଟିଭାବେ ଗଣାଯିବ। ୨୦୧୭ ଓ ୨୦୧୮ ବ୍ୟାଚ୍ର ଓଏମ୍ଏଚ୍ଏସ୍ କ୍ୟାଡର ଅଧୀନ ଡାକ୍ତର ଓ ଓଏମ୍ଏସ୍ ଅଧୀନ ଦାନ୍ତ ଡାକ୍ତର ଏ ବାବଦରେ ସେମାନଙ୍କ ଦରମା ଏବଂ ଷ୍ଟାଇପେଣ୍ଡ ପାଇବେ।
Sambad is now on WhatsApp
Join and get latest news updates delivered to you via WhatsApp
ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ ଏ ସଂକ୍ରାନ୍ତରେ ବିଭାଗୀୟ ନିର୍ଦେଶକ ଓ ସବୁ ଜିଲ୍ଲା ସିଡିଏମ୍ଓଙ୍କୁ ଚିଠି ଜାରି ହୋଇଛି। କୋଭିଡ ମହାମାରୀକୁ ନଜରରେ ରଖି ଜାତୀୟ ମେଡିକାଲ ପରିଷଦ ବା ଏମ୍ସିଆଇ ପକ୍ଷରୁ ପିଜି ଶେଷବର୍ଷ ଛାତ୍ରଛାତ୍ରୀ ନିଜ ମେଡିକାଲ କଲେଜରେ କୋଭିଡ ସେବାରେ ନିୟୋଜିତ ନେଇ ଉପଦେଶାବଳୀ ଜାରି ହୋଇଥିଲା।