କଟକ: ଶ୍ରୀଜିଉଙ୍କ ସ୍ନାନଯାତ୍ରା ଦିନ ବିଭିନ୍ନ ସେବା କରୁଥିବା ଦଇତାସେବକ ଓ ମୁଦିରସ୍ତ ପ୍ରମୁଖ କୋଭିଡ-୧୯ ନିୟମ ନ ମାନି ମାସ୍କ ପରିଧାନ କରିନଥିଲେ | ଏହା ସହ ସେମାନେ ସାମାଜିକ ଦୂରତା ମଧ୍ୟ ଅବଲମ୍ବନ କରିନଥିଲେ | ଏହା ଆଇନର ଉଲ୍ଲଂଘନ ତେଣୁ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି ଦର୍ଶାଇ ଓଡିଶା ହାଇକୋର୍ଟରେ ଏକ ମାମଲା ରୁଜୁ ହୋଇଛି | ଦିଲ୍ଲୀପ କୁମାର ରାୟ ନାମକ ଜନୈକ ଆଇନଜୀବୀ ଆଜି ସ୍ନାନଯାତ୍ରା ସମୟରେ ସେବକମାନେ ମାସ୍କ ନ ପିନ୍ଧିଥିବାରୁ ଓ ସାମାଜିକ ଦୂରତା ରଖୁନଥିବା ହେତୁ ସେମାନଙ୍କ ବିରୋଧରେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯାଉ ବୋଲି ଦାବି କରି ଏକ ଜନସ୍ୱାର୍ଥ ମାମଲା ଦାୟର କରାଯାଇଛି |
Sambad is now on WhatsApp
Join and get latest news updates delivered to you via WhatsApp
ସ୍ନାନଯାତ୍ରାକୁ ନେଇ ହାଇକୋର୍ଟରେ ମାମଲା। କାହିଁକି ସେବାୟତ ମାସ୍କ ପିନ୍ଧିଲେନି ଆବେଦନକାରୀଙ୍କ ପ୍ରଶ୍ନ। ମୁଖ୍ୟ ଶାସନ ସଚିବଙ୍କ ସମେତ ମାମଲାରେ ଚାରିଜଣ ପକ୍ଷଭୁକ୍ତ। ଆଗକୁ ସମ୍ପୃକ୍ତ ସେବାୟତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ। ଆବେଦନକାରୀ ଓକିଲ ଦିଲ୍ଲୀପ ରାୟଙ୍କ ପକ୍ଷରୁ ମାମଲା।#Puri @Puri_Official #Odisha #Sambad pic.twitter.com/paz11ajW96
— Sambad (ସମ୍ବାଦ) (@sambad_odisha) June 8, 2020
ଏଥିସହ ସେ ଦର୍ଶାଇଛନ୍ତି ଯେ ଆଗକୁ ରଥଯାତ୍ରା ଆସୁଥିବାରୁ ସେ ସମୟରେ ମଧ୍ୟ ସାମାଜିକ ଦୂରତା ଭଙ୍ଗ ହେବାର ଆଶଙ୍କା ରହିଛି | ତେଣୁ ହାଇକୋର୍ଟ ଏ ନେଇ ନିର୍ଦ୍ଦେଶନାମା ଜାରି କରିବାକୁ ସେ ଆବେଦନ କରିଛନ୍ତି | ରଥଯାତ୍ରା ସମୟରେ ସେବକମାନେ ମାସ୍କ ପିନ୍ଧିବା ସହ ସାମାଜିକ ଦୂରତା ଅବଲମ୍ବନ କରିବା ନେଇ ମାନ୍ୟବର ହାଇକୋର୍ଟଙ୍କ ଆବେଦନ କରିଛନ୍ତି |
ଆଗକୁ ରଥଯାତ୍ରାରେ ଅନ୍ୟ କିଛି ବିକଳ୍ପ କରାନଯାଇ ମେସିନ ଦ୍ୱାରା ରଥ ଟଣାଯାଉ । ସରକାରଙ୍କ ସବୁ ଗାଇଡଲାଇନ ନ ମାନି ସ୍ନାନଯାତ୍ରାରେ ସାମିଲ ହେବା କୋଭିଡ ନିୟମ ଉଂଲଘନ ସହ ସମାନ ବୋଲି କହିଛନ୍ତି ଆଇନଜୀବୀ ଦିଲ୍ଲୀପ ରାୟ ।