ନିର୍ଦ୍ଧାରିତ ଏମଏସପିଠାରୁ ଅଧିକ ଦାମରେ କପା ବିକିଲେ ଚାଷୀ, ଅଧିକ ଦାମରେ କିଣିନେଲେ ଆନ୍ଧ୍ର ବ୍ୟବସାୟୀ

ରାୟଗଡ଼ା: କପା ଏକ ଅର୍ଥକାରୀ ଫସଲ ରୂପେ ଖ୍ୟାତି ଲାଭ କରିଥିବା ବେଳେ କପା ଚାଷ କରି ଚାଷୀ ଏବେ ହରଡଘଣାରେ । ଅମଳ କପାକୁ ଚାଷୀ ମଣ୍ଡିରେ ବିକ୍ରି କରି ଦୁଇ ପଇସା ରୋଜଗାର କରିବାର ନେଇ ଆଶା ରଖିଥିବା ଚାଷୀ ଏବେ ଚିନ୍ତାରେ । ମଣ୍ଡିରେ କପାର କୁଇଣ୍ଟାଲ ପିଛା ସର୍ବନିମ୍ନ ସହାୟକ ମୂଲ୍ୟ ଖୋଲା ବଜାରଠାରୁ କମ ରହିଛି । ଫଳରେ ଓଡ଼ିଶା ଚାଷୀ ଆନ୍ଧ୍ର ବ୍ୟବସାୟୀଙ୍କ ନିକଟରେ ସମର୍ପି ଦେଉଛନ୍ତି ନିଜର ଉତ୍ପାଦିତ କପା ।

ରାଜ୍ୟରେ ଧାନ ଚାଷୀ ସର୍ବନିମ୍ନ ସହାୟକ ମୂଲ୍ୟ(ଏମଏସପି)ରେ ଧାନ ବିକିବା ପାଇଁ ଲଢେଇ କରୁଥିବା ବେଳେ ଓଡ଼ିଶା ରାୟଗଡ଼ାର କପା ଚାଷୀ ଏମଏସପିରେ କପା ବିକିବାକୁ କୁଣ୍ଠାବୋଧ କରୁଛନ୍ତି । କାରଣ ଏମଏସପି ଦର କମ ଅଛି ଏବଂ ସେମାନେ ଅଧିକା ଦାମରେ ବାହାର ଲୋକଙ୍କୁ ବିକ୍ରି କରୁଛନ୍ତି । ସରକାରୀ ମଣ୍ଡିରେ କପା କୁଇଣ୍ଟାଲ ପିଛା ଏମଏସପି ୬ ହଜାର ୨୫ ଟଙ୍କା ରହିଛି, ହେଲେ ଆନ୍ଧ୍ର ବ୍ୟବସାୟୀଙ୍କୁ କପା କୁଇଣ୍ଟାଲ ପିଛା ୭ ହଜାର ୫ ଶହରୁ ଅଧିକ ଟଙ୍କାରେ ବିକ୍ରି କରୁଛନ୍ତି ଚାଷୀ ।