ବଲାଙ୍ଗୀର :ଗତ ଲୋକସଭା ନିର୍ବାଚନ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନିର୍ବାଚଚନ ଖର୍ଚ୍ଚରେ ଅସଂଗତି ରହିଛି। ରାଜ୍ୟର ଜଣାଶୁଣା ସୂଚନା ଅଧିକାର କର୍ମୀ ହେମନ୍ତ ପଣ୍ଡାଙ୍କ ହସ୍ତଗତ ହୋଇଥିବା ତଥ୍ୟରୁ ଏହା ଜଣାପଡ଼ିଛି। ମୋଦୀଙ୍କ ନିର୍ବାଚନ ଖର୍ଚ୍ଚ ଓ ଏଥିରେ ବ୍ୟବହାର କରାଯାଇଥିବା ବ୍ୟାଙ୍କ ଆକାଉଣ୍ଟ ମଧ୍ୟରେ ତାଳମେଳ ନଥିବା ଶ୍ରୀ ପଣ୍ଡା କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଶ୍ରୀ ପଣ୍ଡା ଏକ ବିବୃତିରେ କହିଛନ୍ତି ଯେ, ମୋଦୀ ଗତ ଲୋକସଭା ନିର୍ବାଚନରେ ଦୁଇଟି ଆସନ ଭଦୋଦରା ଓ ବାରଣାସୀ ଲୋକସଭା ନିର୍ବାଚନ ମଣ୍ତଳୀରୁ ବିଜୟୀ ହୋଇଥିଲେ। ନିୟମ ମୁତାବକ ଭଦୋଦରା ଆସନରୁ ଇସ୍ତଫା ଦେଇ ବାରଣାସୀରୁ ସଦସ୍ୟ ପଦକୁ ବଜାୟ ରଖିଛନ୍ତି। ଭଦୋଦରା ଆସନରେ ନିର୍ବାଚନ ପାଇଁ ଖର୍ଚ୍ଚ କରାଯାଇଥିବା ତାଲିକା ଓ ବ୍ୟାଙ୍କ ଆକାଉଣ୍ଟରେ ଉଲ୍ଲେଖ ମଧୢରେ ତାଳମେଳ ରହୁନାହିଁ।
ଗୁଜରାଟର ଭଦୋଦରା ଜିଲ୍ଲାପାଳଙ୍କ କାର୍ଯ୍ୟାଳୟ ନିର୍ବାଚନ ଶାଖାରୁ ମିଳିଥିବା ତଥ୍ୟରୁ ଏହା ଜଣାପଡ଼ିଛି ବୋଲି ଶ୍ରୀ ପଣ୍ତା କହିଛନ୍ତି। ମୋଦୀଙ୍କ ନାମରେ ଖୋଲାଯାଇଥିବା ବ୍ୟାଙ୍କ ଅଫ୍ ଇଣ୍ତିଆ ଆକାଉଣ୍ଟ ନ˚ ୨୦୪୦୧୦୩୧୦୦୦୦୫୦୦ ର ତଥ୍ୟରୁ ଜଣାପଡିଛି ଯେ, ଭାରତୀୟ ଜନତା ପାର୍ଟି ଶ୍ରୀ ମୋଦୀଙ୍କୁ ୪୭ ଲକ୍ଷ ୫୦ହଜାର ଟଙ୍କା ପ୍ରଦାନ କରିଛି। ଆକାଉଣ୍ଟ ଖୋଲିବା ପାଇଁ ୪ ଅପ୍ରେଲ ୨୦୧୪ ମସିହାରେ ୧ ହଜାର ଟଙ୍କା ଜମା କରାଯାଇଥିବାବେଳେ ୩ ଅପ୍ରେଲ ୨୦୧୪ ରୁ ୧୩ ଜୁନ ୨୦୧୪ ମସିହା ପର୍ଯ୍ୟନ୍ତ ଆକାଉଣ୍ଟରେ ହୋଇଥିବା ଆୟବ୍ୟୟର ବିବରଣୀ ସୂଚନା କର୍ମୀ ପଣ୍ତାଙ୍କୁ ପ୍ରଦାନ କରାଯାଇଛି। ସମୁଦାୟ ୪୭ଲକ୍ଷ ୫୧ହଜାର ୩୦ଟଙ୍କା ଜମା ହୋଇଥିବାବେଳେ ଖର୍ଚ୍ଚ କରାଯାଇଛି ୩୩ ଲକ୍ଷ ୪ ହଜାର ୬୧୧ ଟଙ୍କା। କିନ୍ତୁ ଦାଖଲ କରାଯାଇଥିବା ସଂକ୍ଷିପ୍ତ ବିବରଣୀରେ ଭାରତୀୟ ଜନତା ପାର୍ଟି ୩୮ ଲକ୍ଷ ୨୯ ହଜାର ୯୯୩ ଟଙ୍କା ପ୍ରଦାନ କରିଥିବା ଦର୍ଶାଯାଇଛି ଓ ଅନ୍ୟ ବ୍ୟକ୍ତି ବିଶେଷ, ସ˚ସ୍ଥା ଓ ସ˚ଗଠନ ୧୧ଲକ୍ଷ ଟଙ୍କା ଦାନ କିମ୍ବା ଋଣ ସୂତ୍ରରେ ଏହିପରି ସମୁଦାୟ ୫୦ ଲକ୍ଷ ୩ହଜାର ଟଙ୍କା ପ୍ରଦାନ କରିଥିବା ଉଲ୍ଲେଖ କରାଯାଇଛି। ବିବରଣୀରେ ବ୍ୟାଙ୍କ ଆକାଉଣ୍ଟ ରେ ଆର୍ଟିଜିଏସ୍ରେ ଜମା ହୋଇଛି ୪୭ ଲକ୍ଷ ୫୦ହଜାର ଟଙ୍କା ଓ ୧୧ ଲକ୍ଷ ୭୩ହଜାର ୬୦୫ଟଙ୍କା ଅନ୍ୟ ସୂତ୍ରରୁ ମିଳିଥିବା ସ୍ପଷ୍ଟ ଉଲ୍ଲେଖ ରହିଛି। ଏହା ସମୁଦାୟ ୫୯ ଲକ୍ଷ ୨୩ ହଜାର ୬୦୫ ଟଙ୍କା। ନିର୍ବାଚନରେ ଖର୍ଚ୍ଚ ହେଉଥିବା ଓ ଗ୍ରହଣ କରୁଥିବା ଅର୍ଥ ବ୍ୟାଙ୍କ ଆକାଉଣ୍ଟ ଜରିଆରେ କରାଯିବାର ନିୟମ ରହିଥିଲେ ମଧୢ ଆକାଉଣ୍ଟ ରେ ଏ ସମସ୍ତ ବିଷୟ ସ୍ଥାନ ପାଇ ନାହିଁ ବୋଲି ସୂଚନା କର୍ମୀ ପଣ୍ତା ପ୍ରକାଶ କରିଛନ୍ତି।
ନିର୍ବାଚନ ଖର୍ଚ୍ଚରେ ସ୍ବଚ୍ଛତା ନିର୍ବାଚନ ସ˚ସ୍କାରର ଏକ ଅ˚ଶ ବିଶେଷ। ମାତ୍ର ଦେଶର ପ୍ରଧାନମନ୍ତ୍ରୀଙ୍କ ନିର୍ବାଚନ ଖର୍ଚ୍ଚରେ ଦୃଷ୍ଟାନ୍ତମୂଳକ ସ୍ବଚ୍ଛତା ରକ୍ଷା କରିବା ଦେଶବାସୀ ଆଶା କରୁଥିବା ବେଳେ ମୋଦୀଙ୍କ କ୍ଷେତ୍ରରେ ଏହା କରାଯାଇନାହିଁ ବୋଲି ଶ୍ରୀ ପଣ୍ତା କହିଛନ୍ତି।