ବଡ଼ଦିନ ପାଇଁ ପୁଲିସ୍ର ଫ୍ଲାଗମାର୍ଚ୍ଚ
ଘୁ.ଉଦୟଗିରି : ବଡ଼ଦିନ ପର୍ବ ପାଳନ ପାଇଁ ଘୁ,ଉଦୟଗିରି ସହର ଚଳଚଂଚଳ ହୋଇଛି । ବଡ଼ଦିନକୁ ଆଖି ଆଗରେ ରଖି ପୁଲିସ ପକ୍ଷରୁ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ମିଳିଥିବା ସୂଚନା ଅନୁସାରେ, ସମସ୍ତ ଚର୍ଚ୍ଚରେ ସୁରକ୍ଷା ଯବାନ ମୁତୟନ କରାଯାଇଛି। ସମୁଦାୟ ୨ ପ୍ଲାଟୁନ୍ ସୁରକ୍ଷା ଯବାନ ନିୟୋଜିତ କରାଯାଇଛି। ଦିବାରାତ୍ର ପାଟ୍ରୋଲିଂ କରାଯିବା ସହ କଳିଙ୍ଗା ଏବଂ ଘୁ,ଉଦୟଗିରି ସହରରେ ନାକା ଲାଗିବା ପ୍ରବେଶ ପଥ ଗୁଡିକରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି।
ଘୁ,ଉଦୟଗିରି ସହରର ଟେଲିଫୋନ ଭବନ ସମୁଖ ଏବଂ କଳିଙ୍ଗା ମୁଖ୍ୟ ରାସ୍ତାରେ ପୋଲିସ ପକ୍ଷରୁ ଯାଞ୍ଚ କରାଯାଉଥିବା ଜଣାପଡ଼ିଛି।
