ଜମନକିରା: ଜମନକିରା ଥାନା ୫୩ ନଂ ଜାତୀୟ ରାଜପଥର ବଡରମା ଘାଟି ନିକଟରେ ଏକ ପୁଲିସ ଜିପ୍କୁ ପଛ ପଟରୁ ମାଲବାହୀ ଟ୍ରକ ଧକ୍କା ଦେଇଥିଲା। ଫଳରେ ଜଣେ ପୁଲିସ ଅଧିକାରୀଙ୍କ ସହ ୨ କର୍ମଚାରୀ ଆହତ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ମଙ୍ଗଳବାର ସକାଳ ପ୍ରାୟ ୯ଟାରେ ଦେବଗଡ଼ ଡିଏସ୍ପି ଅମ୍ରିତା ମହାନ୍ତି ଏକ ବଲେରୋ (ଓଆର୍ ୦୫ ଏବି ୫୩୩୧)ରେ ଅଫିସ୍ କାମରେ ସମ୍ବଲପୁର ଯାଉଥିଲେ। ବଡରମା ଘାଟି ନିକଟରେ ପଛପଟୁ ଏକ ଟ୍ରକ୍ (ଡବ୍ଲ୍ୟୁବି ୩୩ ସି ୯୩୯୬) ଧକ୍କା ଦେଇଥିଲା। ଫଳରେ ବଲେରୋଟି ରାସ୍ତା କଡକୁ ଖସି ଯାଇଥିଲା। ଏଥିରେ ଡିଏସ୍ପିଙ୍କ ସହ ଏସ୍ଆଇ ମନୋଜ ସାହୁ ଓ ଡ୍ରାଇଭର ଉମାକାନ୍ତ ପ୍ରଧାନ ଆହତ ହୋଇଥିଲେ। ଆହତ ମାନଙ୍କୁ ଜମନକିରା ପୁଲିସ ଉଦ୍ଧାର କରି ସମ୍ବଲପୁର ଡାକ୍ତରଖାନା ପଠାଇବା ସହ ଦୁର୍ଘଟଣା ଘଟାଇ ଥିବା ଟ୍ରକକୁ ଜବତ କରିଛି।