ଏଭଳି ଅଭିଯୋଗର ଭିତ୍ତି ନାହିଁ: ବିଜେଡି
ଫସଲ ବୀମା ରାଜନୀତି
ଭୁବନେଶ୍ବର : ଓଡ଼ିଶାର ଚାଷୀଙ୍କ ପ୍ରକୃତ ଫସଲ ବୀମା ପ୍ରାପ୍ୟ ଦୀର୍ଘ ସମୟ ଧରି ଅଟକି ରହିଥିଲା। ମୁଖ୍ୟମନ୍ତ୍ରୀ ଓ ସମବାୟ ମନ୍ତ୍ରୀଙ୍କ ନିୟମିତ ଯୋଗାଯୋଗ ସତ୍ତ୍ବେ କେନ୍ଦ୍ର ସରକାର ଚାଷୀଙ୍କ ଫସଲ ବୀମା ଅଟକାଇ ରଖିଥିଲେ। ଓଡ଼ିଶାର ଲୋକମାନେ ବିଜେପିର ଚାଷୀ ବିରୋଧୀ ମନୋଭାବ ଏଥିରୁ ସ୍ପଷ୍ଟ ଦେଖି ପାରୁଛନ୍ତି ବୋଲି କହିଛନ୍ତି ବିଜେଡି ସାଂସଦ ସସ୍ମିତ ପାତ୍ର।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ରମନ୍ତ୍ରୀ ଶ୍ରୀ ତୋମାରଙ୍କ ନିକଟରେ ଧର୍ମେନ୍ଦ୍ର ପ୍ରଧାନଙ୍କ ଅଭିଯୋଗ ସଂପର୍କରେ ପ୍ରତିକ୍ରିୟା ପ୍ରକାଶ କରି ଡ. ପାତ୍ର କହିଛନ୍ତି ଯେ ଚାଷୀଙ୍କ ଚାପ ଓ ଓଡ଼ିଶାର ମୁଖ୍ୟମନ୍ତ୍ରୀଙ୍କ ନିରନ୍ତର ଯୋଗାଯୋଗ ପରେ ଫସଲ ବୀମା ଅର୍ଥ ମଞ୍ଜୁର କରାଯାଇଛି। ଓଡ଼ିଶାର ଫସଲ ବୀମାକୁ ଅଟକାଇବା ନେଇ ବିଜେପି ପ୍ରତି କୃଷକଙ୍କ କ୍ରୋଧ ଦେଖିବାକୁ ମିଳିଛି। ୨୦୧୯ରେ ବିଜେପି କାଳିଆ ଯୋଜନାକୁ ରୋକିବାକୁ ଚେଷ୍ଟା କରିଥିଲା। ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ଉଦ୍ୟମ ପରେ ଏହି ଯୋଜନା ସଂକ୍ରାନ୍ତରେ ସ୍ପଷ୍ଟ ହୋଇଥିଲା। ବିଜେଡି କୃଷକ ପ୍ରସଙ୍ଗରେ ରାଜନୀତି କରିବାକୁ ବିଶ୍ୱାସ କରେ ନାହିଁ। ପ୍ରଧାନମନ୍ତ୍ରୀ ଫସଲ ବୀମା ଅର୍ଥ ବିଜେପି ନେତୃତ୍ୱାଧୀନ କେନ୍ଦ୍ର ସରକାରଙ୍କୁ ପ୍ରଦାନ କରିବାକୁ ପଡ଼ିବ। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଭଲ ଭାବେ ଜାଣିଛନ୍ତି ଯେ ତାଙ୍କ ଅଭିଯୋଗର କୌଣସି ସତ୍ୟତା ନାହିଁ। ଏଚ୍ଡିଏଫସି କମ୍ପାନିକୁ କେନ୍ଦ୍ର ତାଲିକାଭୁକ୍ତ କରିଥିଲା। ଯଦି ଏହି ସଂସ୍ଥା ଦୁର୍ନୀତିଗ୍ରସ୍ତ ତେବେ କେନ୍ଦ୍ର କିପରି ଏକ କମ୍ପାନିକୁ ତାଲିକାଭୁକ୍ତ କରିଥିଲା ତାହାର ଉତ୍ତର ଶ୍ରୀ ପ୍ରଧାନ ରଖନ୍ତୁ ବୋଲି ଶ୍ରୀ ପାତ୍ର କହିଛନ୍ତି।
ବିଜେଡି ବିଧାୟକ ଦେବେଶ ଆଚାର୍ଯ୍ୟ ମଧ୍ୟ ଏହି କଥାକୁ ଦୋହରାଇଛନ୍ତି। ପ୍ରଥମେ ବିଜେପି ଚାଷୀମାନଙ୍କର ଫସଲ ବୀମାଭଳି ନାର୍ଯ୍ୟ ପ୍ରାପ୍ୟକୁ ବିରୋଧ କରିଥିଲା। ଏବେ ଓଡ଼ିଶାଚାଷୀଙ୍କୁ ମିଳିବାକୁ ଥିବା ଇନପୁଟ୍ ସବସିଡିକୁ ବିରୋଧ କରୁଛି। ଏଣୁ ଏଥିରେ ବିଜେପିର କୃଷକ ପ୍ରୀତି ପଦାରେ ପଡ଼ିଥିବା ସେ କହିଛନ୍ତି।