ଭୁବନେଶ୍ୱର: ଭୁବନେଶ୍ବର ସାଂସଦ ଅପରାଜିତାଙ୍କ ନିଖୋଜ ପୋଷ୍ଟର ମରା ବିବାଦକୁ ନେଇ ଶେଷରେ ଗିରଫ ହୋଇଛନ୍ତି ତାଙ୍କ ବ୍ୟକ୍ତିଗତ ସହାୟକ । ବିଭିନ୍ନ ଆଳ ଦେଖାଇ ଗିରଫଦାରିକୁ ଏଡ଼ାଇ ଚାଲିଥିଲେ ଭୁବନେଶ୍ୱର ସାଂସଦଙ୍କ ପିଏ ଧନେଶ୍ୱର ବାରିକ । ହେଲେ ଆଜି ତାଙ୍କୁ ଗିରଫ କରିବା ପରେ କୋର୍ଟ ଚାଲାଣ କରିଛି ଲକ୍ଷ୍ମୀସାଗର ଥାନା ପୁଲିସ । ଶୁଭମ ହୀରାଙ୍କ ଅଭିଯୋଗ ଆଧାରରେ ଏହି ଗିରଫଦାରୀ ହୋଇଛି। ସେ ଥାନାରେ ଅଭିଯୋଗ କରିଥିଲେ ଯେ, ସେ ଓ ତାଙ୍କ କ୍ଲିନିକର ଷ୍ଟାଫମାନେ ବୁଦ୍ଧନଗର କଦଳୀ ଗୋଦାମରେ କ୍ଲିନିକର ପୋଷ୍ଟର ଲଗାଇବାବେଳେ ସାଂସଦଙ୍କ ବ୍ୟକ୍ତିଗତ ସହାୟକ ଧନେଶ୍ୱର ବାରିକ ଓ ତାଙ୍କ ସହଯୋଗୀ ଜ୍ୟୋତିରଞ୍ଜନ ପଣ୍ଡା ତାଙ୍କୁ ଲୁହା ରଡରେ ପିଟିଥିଲେ । ପଗଡି ଖୋଲି ଚୁଟି ଧରି ତଳେ ପକାଇ ଚାପି ଦେଇଥିଲେ । ମୋବାଇଲକୁ ଭାଙ୍ଗି ଦେଇଥିଲେ ଆଉ ତାଙ୍କ ପକେଟରେ ସାଂସଦ ମହୋଦୟାଙ୍କ ଚିରା ପୋଷ୍ଟର ରଖି ଅନ୍ୟ ଜଣେ ଏହି ପୋଷ୍ଟର ଲଗାଇବାକୁ କହିଥିବା ସ୍ୱୀକାର କରିବାକୁ ବାଧ୍ୟ କରିଥିଲେ । ଏହି ଘଟଣା ପରେ ଏବେ ସାଂସଦଙ୍କ ବ୍ୟକ୍ତିଗତ ସହାୟକଙ୍କୁ ଗିରଫ କରି କୋର୍ଟ ଚାଲାଣ କରିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ପୁଲିସ ସୂଚନା ଅନୁସାରେ, ଅଭିଯୋଗକାରୀ ଶୁଭମ ହୀରାଙ୍କ ମା’ଙ୍କର ଏକ କ୍ଲିନିକ୍ ରହିଛି। ଗତକାଲି ଶୁଭମ୍ ସେହି କ୍ଲିନିକ୍ର ପୋଷ୍ଟର ବିଭିନ୍ନ ସ୍ଥାନରେ ମାରୁଥିଲେ। ବୁଦ୍ଧ ନଗର କଦଳୀଗୋଦାମ ଅଞ୍ଚଳରେ ପୋଷ୍ଟର ମାରୁଥିବାବେଳେ ସେଠାରେ ଧନେଶ୍ବର ଓ ଜ୍ୟୋତିରଞ୍ଜନ ପହଞ୍ଚିଥିଲେ ଏବଂ ସେ କାହିଁକି ଅପରାଜିତାଙ୍କ ପୋଷ୍ଟର ମାରୁଛନ୍ତି କହି ଶୁଭମ୍ଙ୍କୁ ମାରପିଟ୍ କରିଥିଲେ। ଶୁଭମ ଏ ନେଇ ଥାନାରେ ଅଭିଯୋଗ କରିଥିଲେ।