ଭୁବନେଶ୍ୱର: ଓଡ଼ିଶାକୁ ପ୍ରତିବର୍ଷ ଅନେକ ବାତ୍ୟା ଆସେ, ଏବଂ କିଛି ବାତ୍ୟା ତାଣ୍ଡବଲୀଳା ରଚି କ୍ଷୟକ୍ଷତିର ଚିହ୍ନ ଛାଡିଦେଇଯାଏ । କିନ୍ତୁ ଆଗାମୀ ଡିସେମ୍ବର ୩ରୁ ୫ ତାରିଖ ଭିତରେ ଆସୁଥିବା ସିଭିୟର ସାଇକ୍ଲୋନିକ ଷ୍ଟର୍ମ ‘ଯୱାଦ’କୁ ନେଇ ଏବେ ବଢିଛି ଚର୍ଚ୍ଚା । ୧୨୯ ବର୍ଷ ପରେ… କୌଣସି ବାତ୍ୟା ଡିସେମ୍ବର ମାସରେ ଉପକୂଳ ଅତିକ୍ରମ କରିବାର ଆଶଙ୍କା କରାଯାଉଛି । ପାଣିପାଗ ବିଜ୍ଞାନୀ ଉମାଶଙ୍କର ଦାସ ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ପାଣିପାଗ ବିଜ୍ଞାନୀ ଉମାଶଙ୍କର ଦାସଙ୍କ ଟ୍ୱିଟ୍ ଅନୁଯାୟୀ, ୧୮୯୧ ମସିହାରୁ ୨୦୨୦ ମଧ୍ୟରେ, ଡିସେମ୍ବର ମାସରେ କୌଣସି ବି ବାତ୍ୟା ଓଡ଼ିଶା କିମ୍ବା ପଶ୍ଚିମବଙ୍ଗ ଉପକୂଳ ଅତିକ୍ରମ କରିନାହିଁ । ଯଦି ସମ୍ଭାବ୍ୟ ବାତ୍ୟା ‘ଯୱାଦ’ ଓଡ଼ିଶା ଉପକୂଳ ଅତିକ୍ରମ କରେ, ତେବେ ହୁଏତ ୧୨୯ ବର୍ଷ ପରେ ଡିସେମ୍ବର ମାସରେ ଏକ ବଡ଼ ବାତ୍ୟା ଦେଖିବ ଓଡ଼ିଶା ।ତେବେ ଆସନ୍ତା ୪ତାରିଖରେ ବାତ୍ୟା ‘ଯୱାଦ’, ଓଡ଼ିଶା ଉପକୂଳ ଛୁଇଁପାରେ ।
No #Cyclone has ever crossed #Odisha–#WeBengal coast in month of December btwn 1891 & 2020.
We must thank #Westerndisturbances for this huge relief btwn 1891 & 2020, but the eastward moving system is the real culprit for re-curvature of the cyclones formed over Bay during Dec pic.twitter.com/Ob0Cg6lvQN
— usd (@usd0705) November 30, 2021
ଭାରତୀୟ ପାଣିପାଗ ବିଭାଗ ପୂର୍ବାନୁମାନ କରି କହିଛି, ୨ତାରିଖରେ ଏହି ସାମୁଦ୍ରିକ ଝଡ ବଙ୍ଗୋପସାଗରରେ ଅବପାତରେ ପରିଣତ ହେବ ଏବଂ ୪ତାରିଖରେ ଉତ୍ତର ଆନ୍ଧ୍ର ଓ ଦକ୍ଷିଣ ଓଡ଼ିଶା ଉପକୂଳରେ କେନ୍ଦ୍ରୀଭୂତ ହେବ । ଆଜି ଦକ୍ଷିଣ ଥାଇଲ୍ୟାଣ୍ଡ ସାଗରରେ ଲଘୁଚାପ ସୃଷ୍ଟି ହୋଇଛି ଏବଂ ଏହା ଧିରେ ଧିରେ ବଳ ଗୋଟାଇ ‘ସିଭିୟର ସାଇକ୍ଲୋନିକ ଷ୍ଟର୍ମ’ ଅର୍ଥାତ ଅତି ପ୍ରବଳ ସାମୁଦ୍ରିକ ଝଡର ରୂପ ନେବ । ପବନର ଗତି ଘଣ୍ଟାପ୍ରତି ୧୨୦କିଲୋମିଟର ରହିପାରେ ବୋଲି ଅନୁମାନ କରାଯାଉଛି ।