ଚାନ୍ଦବାଲି : କରୋନା ମହାମାରୀରେ ରାଜ୍ୟ ବାହାରୁ ନିଜ ରାଜ୍ୟକୁ ଆସିଥିବା ପ୍ରବାସୀ ଓଡ଼ିଆ ଶ୍ରମିକ ପୁଣି ଲକଡ଼ାଉନ ପରେ ରାଜ୍ୟ ବାହାରକୁ ଯାଇ କାର୍ଯ୍ୟରେ ନିୟୋଜିତ ହୋଇଥିଲେ । ହେଲେ କିଛି ଶ୍ରମିକ ଠିକାଦରଙ୍କ ସହ ଦ୍ୱିମତ ହେବାରୁ ଗାଁକୁ ଫେରି ଆସି ଠିକାଦାରଙ୍କ ନାମରେ ବିଭିନ୍ନ ଥାନାରେ ଅଭିଯୋଗ କରିଛନ୍ତି । ସେଠାରେ ସଠିକ କାର୍ଯ୍ୟ କରାଯାଉନଥିବା ଅଭିଯୋଗ କରି ବିଭିନ୍ନ ଥାନାରେ ଠିକାଦାରଙ୍କ ନାମରେ ଅଭିଯୋଗ କରିଛନ୍ତି । ଏହାର ପ୍ରତିବାଦ କରି ଉକ୍ତ ଠିକାଦାରଙ୍କ ନିକଟରେ ରାଜ୍ୟ ବାହାରେ କାର୍ଯ୍ୟ କରୁଥିବା ଅନ୍ୟ ପ୍ରବାସୀ ଓଡ଼ିଆ ଶ୍ରମିକଙ୍କ ପରିବାର ପକ୍ଷରୁ ଆଜି ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଏଥିରେ ପ୍ରବାସୀ ଓଡ଼ିଆଙ୍କ ପରିବାର ଲୋକେ ଠିକାଦାରଙ୍କ ନାମରେ ମିଥ୍ୟା ଆରୋପ ଲଗାଯାଇଥିବା ଅଭିଯୋଗ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଦୀର୍ଘ ୧୫ ବର୍ଷ ଧରି ରାଜ୍ୟ ବାହାରେ ଶ୍ରମିକ ମାନଙ୍କୁ ନେଇ କାମ କରାଉଥିବା ଠିକାଦାର ପ୍ରଭାତ ସାହୁ ଚଳିତ ବର୍ଷ କରୋନା ପରେ ଶ୍ରମିକ ମାନଙ୍କୁ ଆଗ୍ରିମ ଟଙ୍କା ଦେଇ କାର୍ଯ୍ୟରେ ନିୟୋଜିତ କରିଥିଲେ । ପ୍ରତି ମାସରେ ସଠିକ ସମୟରେ ଦରମା ଦେଉଥିବା ବେଳେ ମାତ୍ର ହାତ ଗଣତି କିଛି ଶ୍ରମିକ ଅଳ୍ପ ଦିନ କାମ କରି ଅଯଥାରେ ଦୋଷାରୋପ କରୁଛନ୍ତି । ରାଜ୍ୟକୁ ଫେରିଆସି ତାଙ୍କ ନାମରେ ମିଥ୍ୟା ଆରୋପ ଲଗାଇଛନ୍ତି ବୋଲି ଏହି ସାମ୍ବାଦିକ ସମ୍ମିଳନୀରେ ସ୍ପଷ୍ଟ କରିଛନ୍ତି । କରୋନା ମହାମାରୀ ସମୟରେ ବହୁ ପରିବାର ଅର୍ଥ ପାଇଁ ଦୁର୍ଦ୍ଦିନରେ ଦିନ କାଟୁଥିବା ବେଳେ ଦୁଇ ଶହରୁ ଉର୍ଦ୍ଧ୍ୱ ଠିକାଦାରଙ୍କ ପାଇଁ ଆଜି କର୍ମ ନିଯୁକ୍ତି ପାଇଛନ୍ତି । ଜିଲ୍ଲା ପ୍ରଶାସନ ତୁରନ୍ତ ଦୃଷ୍ଟି ଦେବାକୁ ଦାବୀ କରିଛନ୍ତି।