କଟକ: ଗିରଫ ଠକ ମୌଲାନାର ରିମାଣ୍ଡ ଶେଷ ହୋଇଛି। ଏ ନେଇ ସାମ୍ବାଦିକ ସମ୍ମିଳନୀରେ ଅଧିକ ସୂଚନା ଦେଇ କଟକ ଡିସିପି ପିନାକ ମିଶ୍ର କହିଛନ୍ତି, ତନ୍ତ୍ରମନ୍ତ୍ର ନାଁରେ ଲୋକଙ୍କଠାରୁ କୈଫି ଖାନ୍ କୋଟିଏରୁ ଉର୍ଦ୍ଧ୍ବ ଟଙ୍କା ଠକେଇ କରିଛି। ତା ନାଁରେ ୬ ଟି ଏତଲା ପଞ୍ଜୀକୃତ ହୋଇଛି। ଏଥିମଧ୍ୟରୁ ୫ ଟି  ମଙ୍ଗଳାବାଗ ଥାନା ଓ ଗୋଟିଏ ସଦର ଥାନାରେ ପଞ୍ଜୀକୃତ ହୋଇଛି। ଠକାମୀ ଟଙ୍କାର ବିନିଯୋଗ ନେଇ ପୁଲିସ ଅଧିକ ତଥ୍ୟ ହାସଲ କରିଛି।

Advertisment

publive-image

କଟକ ଡିସିପି ପିନାକ ମିଶ୍ର ଆହୁରି କହିଛନ୍ତି, ଠକ ମୌଲାନାର ୯୫ଟି ବ୍ୟାଙ୍କ  ଆକାଉଣ୍ଟକୁ ଫ୍ରିଜ୍ କରାଯାଇଛି। ଯେଉଁଥିରେ ୨୯ ଲକ୍ଷ ୫୬ ହଜାର ଟଙ୍କାର ଥିଲା। କେତେକ ଏଲଆଇସି ବଣ୍ଡ ଜବତ କରାଯାଇଛି। ଠକାମିର ପଇସା ଏଥିରେ ବିନିଯୋଗ ହୋଇଛି କି ନାହିଁ ସେ ନେଇ ତଦନ୍ତ ଚାଲିଛି। ଯଦି ଠକ ମୌଲାନାର ଠକାମିର ଶିକାର ବ୍ୟକ୍ତି ଆଉ କିଏ ଥିବେ ସେମାନେ ଆସି ଏତଲା ଦେଇ ପାରିବେ।

publive-image odishabytes.com

ଗିରଫ ଡ୍ରାଇଭର ମୌଲାନାର ମୁଖ୍ୟ ସହଯୋଗୀ ଥିଲା। ଆବଶ୍ୟକ ପଡ଼ିଲେ ଆଉ ଥରେ ତାକୁ ରିମାଣ୍ଡରେ ଅଣାଯିବ। କୈଫି ଖାନର ଗ୍ୟାଙ୍ଗଷ୍ଟର ସହ ସମ୍ପର୍କ ଅଛି କି ନାହିଁ ସେ ନେଇ କୌଣସି ପ୍ରମାଣ ମିଳିପାରି ନାହିଁ। ଠକେଇ ଟଙ୍କାର ତଦନ୍ତ ପାଇଁ ଆବଶ୍ୟକ ପଡ଼ିଲେ ଇଓଡବ୍ଲୁର ସହଯୋଗ ନିଆଯିବ ବୋଲି କଟକ ଡିସିପି ପିନାକ ମିଶ୍ର ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି।