ରାଉରକେଲା : କଏଦୀ ମୃତୁ ନେଇ ରାଉରକେଲା ସରକାରୀ ଡାକ୍ତରଖାନାରେ ଉତ୍ତେଜନ। ଭୁଲ ଇଞ୍ଜେକ୍ସନ, ଚିକିତ୍ସାରେ ଅବହେଳା ଅଭିଯୋଗ ଆସିଛି। ସୁନ୍ଦରଗଡ଼ ଜିଲ୍ଲା ଅନ୍ତର୍ଗତ ରାଉରକେଲା ଜେଲରେ ଜଣେ ବିଚାରାଧୀନ କଏଦୀଙ୍କ ମୃତ୍ୟୁ ଘଟଣା ଏବେ ନୂଆ ମୋଡ଼ ନେଇଛି। ଘଟଣା | ମୃତ କଏଦୀ ଯୋଶେଫ ତିର୍କୀଙ୍କ ପତ୍ନୀ ପାର୍ବତୀଙ୍କ ଅଭିଯୋଗ କରିଛନ୍ତି ଯେ ସ୍ବାମୀ ଅସୁସ୍ଥ ଥିବା ସୂଚନା ତାଙ୍କୁ ଜେଲ୍ କର୍ତ୍ତୃପକ୍ଷ ଦେଇନାହାନ୍ତି | ଖାଲି ସେତିକି ନୁହେଁ ସେ କହିଛନ୍ତି ଯେ ଭୁଲ୍ ଇଞ୍ଜେକ୍ସନ ଦେବା ଯୋଗୁଁ ଯୋଶେଫଙ୍କ ମୃତ୍ୟୁ ହୋଇଛି।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ,ଗତକାଲି ରାଉରକେଲା ସ୍ୱତନ୍ତ୍ର ଜେଲ୍ରେ ଥିବା ଜଣେ ବିଚାରାଧୀନ କଏଦୀ ଯୋଶେଫ ତିର୍କୀ(୩୯) ହଠାତ ଅସୁସ୍ଥ ହୋଇପଡ଼ିଥିଲେ । ତାଙ୍କୁ ସଙ୍ଗେ ସଙ୍ଗେ ରାଉରକେଲାର ଆରଜିଏଚକୁ ନିଆଯାଇଥିଲା । ଆରଜିଏଚରେ ଚିକିତ୍ସାଧୀନ ଅବସ୍ଥାରେ ଗତକାଲି ତାଙ୍କର ମୃତ୍ୟୁ ଘଟିଥିଲା । ଯୋଶେଫ ଏକ ହତ୍ୟା ମାମଲାରେ ଗତ ୨୦୧୭ ଅଗଷ୍ଟ ମାସରୁ ଜେଲରେ ରହୁଥିଲେ ।
କିନ୍ତୁ ତାଙ୍କୁ ଭୁଲ ଇଞ୍ଜେକ୍ସନ ଦିଆଯାଇଥିବା ଏବଂ ତାଙ୍କର ଉପଯୁକ୍ତ ଚିକିତ୍ସା କରାଯାଇନଥିବା ହେତୁ ତାଙ୍କର ସ୍ବାମୀଙ୍କର ମୃତ୍ୟୁ ଘଟିଥିବା ନେଇ ଅଭିଯୋଗ ଆଣିଛନ୍ତି ମୃତ ଯୋଶେଫଙ୍କ ପତ୍ନୀ ପାର୍ବତୀ । ମୃତକ ଯୋଶେଫ ତିର୍କୀଙ୍କ ଘର ବ୍ରାହ୍ମଣୀତରଙ୍ଗ ଥାନା ଅନ୍ତର୍ଗତ ବୁରୁତୋଲା ଗ୍ରାମରେ ବୋଲି ଜଣାଯାଇଛି।