ଭୁବନେଶ୍ବର: ବିଭିନ୍ନ ଦାବି ନେଇ ଆଜି ଅଲ୍‌ ଇଣ୍ଡିଆ ମହିଳା ସାଂସ୍କୃତିକ ସଂଗଠନ ପକ୍ଷରୁ ଲୋୟର୍‌ ପିଏମ୍‌ଜିରେ ବିକ୍ଷୋଭ ପ୍ରଦର୍ଶନ କରାଯାଇଥିଲା। ନାରୀଙ୍କୁ ନିର୍ଯାତନା ଦେଉଥିବା ଅପରାଧୀଙ୍କ ବିରୋଧରେ କଠୋର କାର୍ଯ୍ୟ‌ାନୁଷ୍ଠାନ, ମଦ ତଥା ମାଦକଦ୍ରବ୍ୟ ଓ ଅଶ୍ଳୀଳତା ଅପସଂସ୍କୃତିର ପ୍ରଚାର ପ୍ରସାର ବନ୍ଦ, ଦରବୃଦ୍ଧିରେ ଲଗାମ, ଆଶା, ଅଙ୍ଗନବାଡ଼ି, ପାଚିକା/ସହାୟକ ଆଦିଙ୍କୁ ସରକାରୀ କର୍ମଚାରୀର ମାନ୍ୟତା ଦେଇ ସର୍ବନିମ୍ନ ୨୬ ହଜାର ଟଙ୍କା ଦରମା ଏବଂ ଶିକ୍ଷା, ସ୍ବାସ୍ଥ୍ୟ, ବିଜୁଳି ଆଦି ‌କ୍ଷେତ୍ରରେ ଘରୋଇକରଣ ବନ୍ଦ କରିବା ଆଦି ଦାବି ନେଇ ସଂଗଠନର କର୍ମକର୍ତ୍ତାମାନେ ବିକ୍ଷୋଭ କରିଥିଲେ। ଏଥିରେ ସଂଗଠନର ରାଜ୍ୟ ସଭାନେତ୍ରୀ ବୀଣାପାଣି ଦାସ, ରାଜ୍ୟ ସଂପାଦିକା ସ୍ବୟଂପ୍ରଭା ନାୟକ, ଉପସଭାନେତ୍ରୀ ସରୋଜିନୀ ନାୟକ, ଲିଓନି ତିର୍କୀ, ରାଜ୍ୟ ସମ୍ପାଦିକା ମଣ୍ଡଳୀ ସଦସ୍ୟା ତରଙ୍ଗିଣୀ ଦାସ, ମାନସୀ ସ୍ବାଇଁ, ମନ୍ ଦୋଦରୀ ରାଉଳ, ଦ୍ରୌପଦୀ ମହାନ୍ତ, ପ୍ରଭାମଞ୍ଜୁଳା ବ୍ରହ୍ମ, କାର୍ଯ୍ୟକାରିଣୀ ସଭ୍ୟା ସଂଯୁକ୍ତା ସାମଲ, ମିଞ୍ଜାରୀ ଦେଓଗାମ, ପ୍ରବାସିନୀ ରାଉଳ, ସ୍ବାଧୀନୀ ବେହେରା, ପ୍ରସନ୍ନା ମିଶ୍ର, ସଂଘମିତ୍ରା ମହାପାତ୍ର, ସୁଲୋଚନା ପ୍ରଧାନ, ପ୍ରମିଳା ପଣ୍ଡା, ବିଜୟଲକ୍ଷ୍ମୀ ପାତ୍ର ଓ ମାଳବିକା ସାମଲ ପ୍ରମୁଖ ସାମିଲ ହୋଇଥିଲେ।