ଯାଜପୁରସଦର :କରୋନା ଭୟାବହତା ବଢ଼ୁଥିବାରୁ ଏବେ ସରକାରୀ କର୍ମଚାରୀଙ୍କ ସୁରକ୍ଷା ଦୃଷ୍ଟିରୁ ସାଧାରଣ ଲୋକମାନଙ୍କୁ ସରକାରୀ କାର୍ଯ୍ୟାଳୟକୁ ବାରଣ କରାଯାଇଛି। ଜିଲ୍ଲାପାଳଙ୍କ କାର୍ଯ୍ୟାଳୟକୁ ସୋମବାର ହଠାତ ସାଧାରଣ ଲୋକଙ୍କ ପାଇଁ ବନ୍ଦ କରିଦିଆଯାଇଛି। କୌଣସି ପୂର୍ବ ସୂଚନା ନଦେଇ ବନ୍ଦ କରି ଦିଆଯିବାରୁ ଜିଲ୍ଲାପାଳଙ୍କୁ ଭେଟିବାକୁ ଆସିଥିବା ଶହଶହ ଲୋକ, ସହାୟତା ପାଇଁ ଆସିଥିବା ରୋଗୀ ନିରାଶ ହୋଇ ଫେରିଥିଲେ। ଅନ୍ୟପଟେ ଲୋକଙ୍କ ସମସ୍ୟା ସମାଧାନ ପାଇଁ ଜିଲ୍ଲାପାଳଙ୍କ କାର୍ଯ୍ୟାଳୟ ପକ୍ଷରୁ ଏକ ଅଭିଯୋଗ ବାକ୍ସ ରଖାଯାଇଛି। କାର୍ଯ୍ୟାଳୟକୁ ପ୍ରବେଶ ଅନୁମତି ନ ମିଳିବାଯାଏ ନିଜନିଜର ଅଭିଯୋଗ ଏହି ବାକ୍ସରେ ପକାଇବାକୁ କୁହାଯାଇଛି।