କଟକସ୍ଥିତ ପୁରୀ ବସ୍ଷ୍ଟାଣ୍ତରେ ଅଗ୍ନିକାଣ୍ତ: ଜଳିଗଲା ବସ, କାରଣ ଅସ୍ପଷ୍ଟ
କଟକ: କଟକସ୍ଥିତ ପାଲାମଣ୍ଡପ ପୁରୀ ବସ୍ଷ୍ଟାଣ୍ତ ପାର୍ଶ୍ବରେ ଥିବା ମାଷ୍ଟରକ୍ୟାଣ୍ଟିନ୍ ବସ୍ଷ୍ଟାଣ୍ତରେ ଅଗ୍ନିକାଣ୍ତ ଘଟିଛି। ଶ୍ରୀମନ୍ଦିର ନାମକ ଏକ ଘରୋଇ ବସରେ ନିଆଁ ଲାଗି ଜଳି ଯାଇଛି ବସ। ଘଟଣାସ୍ଥଳରେ ସ୍ଥାନୀୟ ବାଦାମବାଡ଼ି ପୁଲିସ ଓ ଅଗ୍ନିଶମ ବାହିନୀ ପହଞ୍ଚି ସ୍ଥିତି ନିୟନ୍ତ୍ରଣ କରିଛନ୍ତି। ବହୁ ପୁରୁଣା ଏହି ବସଟି ପଡ଼ି ରହିଥିବାରୁ ସେଥିରେ ନିଆଁ କିଭଳି ଲାଗିଲା ତାହାର କାରଣ ଜଣା ପଡ଼ି ନଥିବା କହିଛି ପୁଲିସ ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ମାଷ୍ଟରକ୍ୟାଣ୍ଟିନ ବସଷ୍ଟାଣ୍ତରେ ଥିବା ଶ୍ରୀମନ୍ଦିର ନାମକ ଏକ ଘରୋଇ ବସରେ ହଠାତ ନିଆଁ ଲାଗିଯିବା ଦେଖି ସ୍ଥାନୀୟ ଲୋକେ ପୁଲିସକୁ ଓ ଅଗ୍ନିଶମ ବାହିନୀଙ୍କୁ ଖବର ଦେଇଥିଲେ। ଖବର ପାଇ ଘଟଣାସ୍ଥଳରେ ସ୍ଥାନୀୟ ବାଦାମବାଡ଼ି ପୁଲିସ ଓ ଅଗ୍ନିଶମ ବାହିନୀ ପହଞ୍ଚି ସ୍ଥିତି ନିୟନ୍ତ୍ରଣକୁ ଆଣିଥିବା ଜଣା ପଡ଼ିଛି। ହେଲେ କେଉଁ କାରଣ ଯୋଗୁଁ ବସ୍ଟିରେ ନିଆଁ ଲାଗିଥିଲା ତାହା ଜଣା ପଡ଼ିନାହିଁ।