ରବି ଧାନ ସଂଗ୍ରହ ଏବେସୁଦ୍ଧା ୮ ଲକ୍ଷ ୪୫ ହଜାର ମେଟ୍ରିକ୍ ଟନ୍: ମନ୍ତ୍ରୀ
ଭୁବନେଶ୍ବର : ଚଳିତ ବର୍ଷ ରବି ଧାନ ସଂଗ୍ରହ ଋତୁରେ ଏବେସୁଦ୍ଧା ୧୭ଟି ଜିଲ୍ଲାରୁ ୮ ଲକ୍ଷ ୪୫ ହଜାର ୯୩୧ ମେଟ୍ରିକ୍ ଟନ୍ ଧାନ ସଂଗ୍ରହ ହୋଇଛି। ଆଜି ରବି ଧାନ ସଗ୍ରହ ନେଇ ସମୀକ୍ଷା ବୈଠକ ପରେ ଏ ସମ୍ପର୍କରେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ ସୂଚନା ଦେଇଛନ୍ତି। ଏହାସହିତ କୋଭିଡ ନିୟମ ଅନୁପାଳନ ପୂର୍ବକ ମଣ୍ଡିରେ ପଡ଼ି ରହିଥିବା ଚାଷୀମାନଙ୍କର ସମସ୍ତ ଧାନ କିଣିବାକୁ ସେ ବିଭାଗୀୟ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
୨୦୨୧-୨୨ ଧାନ ସଂଗ୍ରହ ଋତୁରନ ବିକ୍ରି ନିମନ୍ତେ ରାଜ୍ୟର ମୋଟ ପ୍ରାୟ ୨ ଲକ୍ଷ ୩୨ ହଜାର ୪୦୯ ଜଣ ଚାଷୀ ନାମ ପଞ୍ଜୀକରଣ କରିଛନ୍ତି। ସେମାନଙ୍କ ମଧ୍ୟରୁ ୨ ଲକ୍ଷ ୨୨ ହଜାର ୮୨୩ ଜଣ ଚାଷୀମାନଙ୍କର ଜମିଜମା, ବ୍ୟାଙ୍କ ଆକାଉଣ୍ଟ, ଆଧାର କାର୍ଡ଼ ଓ ଜଳସେଚିତ ଜମିର ପରିମାଣ ଆଦି ତଥ୍ୟର ଯାଞ୍ଚ ପ୍ରକ୍ରିୟା ସରିଛି। ଏଥିମଧ୍ୟରୁ ଅଦ୍ୟାବଧି ୧ ଲକ୍ଷ ୨୬ ହଜାର ୪୫୨ ଜଣ ଚାଷୀମାନଙ୍କଠାରୁ ରବିଧାନ ସଂଗ୍ରହ କରାଯାଇଛି। ଯାହାର ମୂଲ୍ୟ ପ୍ରାୟ ୧୫୮୦ କୋଟି ୨୦ ଲକ୍ଷ ଟଙ୍କା। ଏହି ଧାନ ସଂଗ୍ରହ ଆସନ୍ତା ୩୦ ତାରିଖ ପର୍ଯ୍ୟନ୍ତ ଚାଲିବ।