ଭୁବନେଶ୍ୱର : କରୋନା ଜନସାଧାରଣଙ୍କୁ ସତର୍କ କରେଇଛି। ହାତ ଧୋଇବା କେତେ ଆବଶ୍ୟକ ତାହା ବି ଶିଖେଇଦେଇଛି। ଅକ୍ଟୋବର ୧୫ ବିଶ୍ବ ହାତଧୁଆ ଦିବସ ଥିବା ବେଳେ ଏହି ବିଷୟ ଆଧାରରେ ରେଡିଓ ଚକ୍ଲେଟ୍ ପକ୍ଷରୁ ଏକ ଗୀତ ପ୍ରସ୍ତୁତ କରାଯାଇଛି। ‘ସମ୍ବାଦ’ ଓ ‘ରେଡିଓ ଚକ୍ଲେଟ୍’ ପକ୍ଷରୁ ଆୟୋଜିତ ସାରେଗାମା କାର୍ଯ୍ୟକ୍ରମର ଫାଇନାଲ୍କୁ ଉତ୍ତୀର୍ଣ୍ଣ ହୋଇଥିବା ଗୋପାଳକୃଷ୍ଣ ଗୀତଟି ଗାଇଥିବା ବେଳେ ଗୀତ ରଚନା କରିଛନ୍ତି ଗୁରୁ ଶତପଥୀ। ସଂଗୀତ ନିର୍ଦେଶନା ଦେଇଛନ୍ତି ରେଡିଓ ଚକ୍ଲେଟ୍ର ସାଉଣ୍ଡ ଇଂଜିନିୟର ସୌମିତ୍ରୀ ପଲାଇ।
Sambad is now on WhatsApp
Join and get latest news updates delivered to you via WhatsApp
ଚକ୍ଲେଟ୍ ଆର୍.ଜେ ଓ ଟିମ୍ ଚକ୍ଲେଟ୍ର ସଦସ୍ୟମାନଙ୍କୁ ନେଇ ଏହି ଗୀତର ଭିଡିଓ ନିର୍ମିତ ହୋଇଛି। ରେଡିଓ ଚକ୍ଲେଟ୍ର ଅଫିସିଆଲ୍ ଫେସ୍ବୁକ୍ ଓ ୟୁ-ଟ୍ୟୁବ୍ ପେଜ୍ରେ ଏହି ଭିଡିଓ ଦେଖିବାକୁ ମିଳିବ। ବିଶ୍ବ ହାତଧୁଆ ଦିବସ ଗୀତ ସହ ସଚେତନତା ଓ ମନୋରଂଜନଧର୍ମୀ ଅନ୍ୟ କାର୍ଯ୍ୟକ୍ରମ ଉପଭୋଗ କରିବାର ସୁଯୋଗ ମିଳିବ।