ଭୁବନେଶ୍ୱର : ଆସନ୍ତା ୮ ତାରିଖରେ ଦିନିକିଆ ଓଡ଼ିଶା ଗସ୍ତରେ ଆସୁଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧି। ଜୟପୁର ଓ ବରଗଡ଼ରେ ହେବାକୁ ଥିବା ସାଧାରଣ ସଭାରେ ସେ ଯୋଗଦେବେ। ଏ ନେଇ ସୂଚନା ଦେଇଛନ୍ତି ଓଡ଼ିଶା ପ୍ରଦେଶ କଂଗ୍ରେସ କମିଟି ସଭାପତି ନିରଞ୍ଜନ ପଟ୍ଟନାୟକ। ଏଥିସହିତ ଛତିଶଗଡ଼ ମୁଖ୍ୟମନ୍ତ୍ରୀ ଭୂପେଶ ବାଘେଲା ମଧ୍ୟ ଏହି ଦୁଇଟି ସଭାରେ ଯୋଗଦେବାକୁ ଓଡ଼ିଶା ଆସୁଥିବାର ସୂଚନା ମିଳିଛି।
Sambad is now on WhatsApp
Join and get latest news updates delivered to you via WhatsApp
ଜୟପୁର ଓ ବରଗଡ଼ରେ ହେବାକୁ ଥିବା ଏହି ଦୁଇଟି ସଭାରେ ମୁଖ୍ୟତଃ ଚାଷୀ, ଯୁବକ, ମହିଳା ଓ ଦଳିତ ବର୍ଗ ଉପରେ ଗୁରୁତ୍ବାରୋପ କରାଯିବ। ଏହି ସଭାରେ ଓଡ଼ିଶା କଂଗ୍ରେସ ପ୍ରଭାରୀ(ଅସ୍ଥାୟୀ) ଟିଏସ୍ ସିଂହଦେଓ ଓ ଓଡ଼ିଶା କଂଗ୍ରେସ ପ୍ରଭାରୀ ଜିତେନ୍ଦ୍ର ସିଂହ ମଧ୍ୟ ଯୋଗଦେବେ।
ସୂଚନାଯୋଗ୍ୟ ଯେ, ରାହୁଲ ଗାନ୍ଧିଙ୍କର ଏହା ହେଉଛି ତୃତୀୟ ଓଡ଼ିଶା ଗସ୍ତ। ଏହାପୂର୍ବରୁ ରାହୁଲ ଗାନ୍ଧୀ ଜାନୁଆରୀ ୨୫ ଏବଂ ଫେବୃଆରୀ ୬ରେ ଓଡ଼ିଶା ଗସ୍ତରେ ଆସିଥିଲେ।