ହୋଟେଲରେ ଚଢ଼ଉ, ବାସିଖାଦ୍ୟ ନଷ୍ଟ, ୬ ହଜାର ଜରିମାନା
ବ୍ୟାସନଗର: ଯାଜପୁର ରୋଡ୍ ଥାନା ବ୍ୟାସନଗର ସହରରେ ଥିବା ବଡ଼ବଡ଼ ହୋଟେଲ ଉପରେ ଆଜି ମଧ୍ୟାହ୍ନରେ ଜିଲ୍ଲା ଖାଦ୍ୟ ନିରୀକ୍ଷକଙ୍କ ପକ୍ଷରୁ ଚଢ଼ଉ କରାଯାଇଛି। ଏଫଏସ ଓ ବିଭୁଦତ୍ତ ତ୍ରିପାଠୀଙ୍କ ଏକ ଟିମ୍ ହୋଟେଲ ଦୟାଲ ରେସିଡେଣ୍ଟ, ବ୍ରାହ୍ମଣୀ, ରୟାଲ କଳିଙ୍ଗ, ତାରିଣୀ ଆଦି ୭ ଗୋଟି ହୋଟେଲ ରେ ଚଢ଼ଉ କରିଥିଲେ।
Sambad is now on WhatsApp
Join and get latest news updates delivered to you via WhatsApp
ଏହି ସମୟରେ ୧୬ କେଜି ବାସି ତଥା ଅପମିଶ୍ରିତ ଖାଦ୍ୟ ନଷ୍ଟ କରାଯାଇଥିଲା। ଖାଦ୍ୟରେ ବ୍ୟବହାର କରୁଥିବା କ୍ଷତିକାରକ ରଙ୍ଗକୁ ମଧ୍ୟ ନଷ୍ଟ କରାଯାଇଛି। ୭ ଗୋଟି ହୋଟେଲରୁ ୬ ହଜାର ଟଙ୍କା ଜରିମାନା ଆଦାୟ କରାଯାଇଛି। ବାସି ଖାଦ୍ୟ ଲୋକମାନଙ୍କୁ ନଦେବା ପାଇଁ ଶ୍ରୀ ତ୍ରିପାଠୀ ତାଗିଦ କରିଛନ୍ତି।