ବେଆଇନ୍ କାରଖାନା ଉପରେ ଚଢ଼ଉ, ୭୦ ଲକ୍ଷର ବାଣ, ବାରୁଦ ଜବତ
ଆସିକା : ଗଞ୍ଜାମ ଜିଲ୍ଲାର ଶିବକାଶୀ ଭାବେ ପରିଚିତ ଗଞ୍ଜାମ ଜିଲ୍ଲା ଆସିକା ଥାନା ନଳବଣ୍ଟା ଗ୍ରାମରେ ବେଆଇନ୍ ବାଣ ପ୍ରସ୍ତୁତି କାରଖାନା ଠାବ କରିଛି ପୁଲିସ ଓ ସ୍ଥାନୀୟ ପ୍ରଶାସନ। ଗାଁର ପ୍ରତି ସାହି ଓ ଗଳିକନ୍ଦିରେ ୩ ଘଣ୍ଟା କାଳ ତନ୍ନତନ୍ନ ଯାଞ୍ଚ ସହ ୭୦ ଲକ୍ଷ ଟଙ୍କାରୁ ଅଧିକ ମୂଲ୍ୟର ବାଣ ଓ ଶତାଧିକ କେଜି ବାରୁଦ ଜବତ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଏସ୍ପି ବ୍ରିଜେଶ କୁମାର ରାୟଙ୍କ ଉପସ୍ଥିତିରେ ଆଜି ପୁଲିସ୍ର ଏକ ଟିମ୍ କାରଖାନା ଉପରେ ଚଢ଼ଉ କରିଥିଲା। ଚଢ଼ଉ ସମୟରେ ବିପୁଳ ପରିମାଣର ବାଣ ଓ ବାରୁଦ ଜବତ କରିଥିଲା। ଏଥିସହିତ, ୩ ଜଣଙ୍କୁ ଗିରଫ କରିଥିଲା। ୩ ଜଣ ହେଲେ, ନଳବଣ୍ଟାର ସନ୍ତୋଷ କୁମାର ପାଢୀ, ଦିବାନ ସେଠୀ ଓ ବିପ୍ର ସେଠୀ। ଜବତ ବାଣ ଓ ବୋମା ନିଷ୍କ୍ରିୟ ପାଇଁ ବୋମା ନିଷ୍କ୍ରିୟକାରୀ ଦଳର ସହାୟତା ନିଆ ଯାଇଥିବା ଜଣାପଡ଼ିଛି।