ରେଳ ଅଧୁନିକୀକରଣ କାର୍ଯ୍ୟ: ୧୧ ଟ୍ରେନ୍ ବାତିଲ୍
ଭୁବନେଶ୍ବର : ପୂର୍ବତଟ ରେଳପଥ ପରିସୀମାର ପଲାସା-କୋଟାଭାଲାସା ରେଳ ସେକ୍ସନର ବିଜୟନଗରମ୍ ଓ କୋରୁକୋଣ୍ଡା ଷ୍ଟେସନ ମଧ୍ୟରେ ଏବଂ ପୁଣ୍ଡୁରି ଓ ଦୁସି ଷ୍ଟେସନ ମଧ୍ୟରେ ରେଳ ଧାରଣା ତଳେ ଉପମାର୍ଗ ନିର୍ମାଣ ସମ୍ବନ୍ଧୀୟ ସୁରକ୍ଷା ଜନିତ ଆଧୁନିକୀକରଣ କାର୍ଯ୍ୟକୁ ଦୃଷ୍ଟିରେ ରଖି ୧୧ଟି ଟ୍ରେନ୍ ବାତିଲ କରିବାକୁ ନିଷ୍ପତ୍ତି ହୋଇଛି।
Sambad is now on WhatsApp
Join and get latest news updates delivered to you via WhatsApp
ବାତିଲ୍ ହେବାକୁ ଥିବା ଟ୍ରେନ୍ଗୁଡ଼ିକ ହେଲା ସିକନ୍ଦରାବାଦ-ଭୁବନେଶ୍ୱର ବିଶାଖା ସ୍ପେଶାଲ୍(୦୭୦୧୬) ସିକନ୍ଦରାବାଦରୁ ଅଗଷ୍ଟ ୮ରେ, ଭୁବନେଶ୍ୱର-ସିକନ୍ଦରାବାଦ ବିଶାଖା ସ୍ପେଶାଲ(୦୭୦୧୫) ଭୁବନେଶ୍ୱରରୁ ଅଗଷ୍ଟ ୧୦ରେ, ଚେନ୍ନାଇ-ହାଓଡ଼ା ସ୍ପେଶାଲ (୦୨୮୨୨) ଚେନ୍ନାଇରୁ ଅଗଷ୍ଟ ୮ରେ, ଭାସ୍କୋଡାଗାମା-ହାଓଡ଼ା ଅମରାବତୀ ସ୍ପେଶାଲ(୦୮୦୪୮) ଭାସ୍କୋଡାଗାମାରୁ ଅଗଷ୍ଟ ୮ରେ, ଗୁଣ୍ଟୁର-ରାୟଗଡା-ଗୁଣ୍ଟୁର ସ୍ପେଶାଲ (୦୭୨୪୩/୦୭୨୪୪) ଗୁଣ୍ଟୁରରୁ ଅଗଷ୍ଟ ୮ ଓ ରାୟଗଡାରୁ ଅଗଷ୍ଟ ୯ରେ, ହାଓଡ଼ା-ଯଶୋବନ୍ତପୁର ସ୍ପେଶାଲ(୦୨୮୭୩) ହାଓଡ଼ାରୁ ଅଗଷ୍ଟ ୮ରେ, ବିଶାଖାପାଟଣା-ଗୁଣୁପୁର-ବିଶାଖାପାଟଣା ସ୍ପେଶାଲ (୦୮୫୨୨/୦୮୫୨୧) ଉଭୟ ପାର୍ଶ୍ୱରୁ ଅଗଷ୍ଟ ୯ରେ, ବିଶାଖାପାଟଣା-ଭୁବନେଶ୍ୱର-ବିଶାଖାପାଟଣା ସ୍ପେଶାଲ(୦୮୫୭୦/୦୮୫୬୯) ଉଭୟ ପାର୍ଶ୍ୱରୁ ଅଗଷ୍ଟ ୯ରେ ବାତିଲ ରହିବ। ଏଥିସହ ୧୧ଟି ଟ୍ରେନ ପରିବର୍ତ୍ତିତ ସମୟରେ ଚଳାଚଳ କରାଇବାକୁ ରେଳପଥ ପକ୍ଷରୁ ନିଷ୍ପତ୍ତି ନିଆଯାଇଛି।