କିଛି ସ୍ଥାନରେ ଦିନରେ ଅନ୍ଧାର ହେଲା, କେଉଁଠି ପୁଣି ଛେଚିଲା ବର୍ଷା
ଭୁବନେଶ୍ୱର: ରାଜ୍ୟର ବିଭିନ୍ନ ସ୍ଥାନରେ ଅଦିନିଆ ବର୍ଷା ଲାଗି ରହିଛି । ସକାଳୁ ସକାଳୁ ରାଜ୍ୟର କିଛି ସ୍ଥାନରେ ଏତେ ମାତ୍ରାରେ ବାଦଲ ଢ଼ାଙ୍କି ଯାଇଥିଲା ଯେ ଦିନରେ ରାତିର ଭ୍ରମ ସୃଷ୍ଟି ହୋଇଥିଲା । ଏହା ସହିତ ରାଜଧାନୀ ସମେତ ରାଜ୍ୟର ବିଭିନ୍ନ ସ୍ଥାନରେ ସକାଳୁ ସକାଳୁ ବର୍ଷା ହୋଇଛି । ସକାଳ ୮ଟା ୩୦ ସୁଦ୍ଧା ସୋନପୁରରେ ସର୍ବାଧିକ ୫୭ ଦଶମିକ ୮ ମିଲିମିଟର ବର୍ଷା ହୋଇଛି । ଏଭଳି ସ୍ଥିତି ୨ଦିନ ଲାଗି ରହିବ ଏବଂ ୨୭ରୁ ପାଗ ବଦଳିବ ବୋଲି ପାଣିପାଗ ବିଭାଗ ପକ୍ଷରୁ କୁହାଯାଇଛି । ୧୮ଟି ଜିଲ୍ଲାରେ ଅଧିକ ବର୍ଷା ହେବା ନେଇ ପାଣିପାଗ ବିଭାଗ ପୂର୍ବାନୁମାନ କରିଛି ।
Sambad is now on WhatsApp
Join and get latest news updates delivered to you via WhatsApp
ଆଂଚଳିକ ପାଣିପାଗ କେନ୍ଦ୍ରର ସୂଚନା ଅନୁଯାୟୀ ସୁନ୍ଦରଗଡ,ଝାରସୁଗୁଡା, ସମ୍ବଲପୁର, ବରଗଡ, ଦେବଗଡ, କେନ୍ଦୁଝର, ମୟୂରଭଞ୍ଜ, ବୌଦ୍ଧ, ଅନୁଗୁଳ, ଢ଼େଙ୍କାନାଳ, ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡା, ଜଗତସିଂହପୁର, କଟକ, ନୟାଗଡରେ ବର୍ଷା ହେବ । ଏହି ସମୟରେ ୩୦ରୁ ୪୦ କିମି ବେଗରେ ପବନ ବହିବାର ସମ୍ଭାବନା ରହିଛି । ଅନ୍ୟପଟେ, ଅଦିନିଆ ବର୍ଷାରେ ମଣ୍ଡି ଭିଜିଛି ।
ବର୍ଷା ପାଣିରେ ଓଦା ହୋଇଛି କ୍ୱିଂଟାଲ କ୍ୱିଂଟାଲ ଧାନ । ଗତକାଲି ଠାରୁ ବୌଦ୍ଧ ଜିଲ୍ଲାରେ ବର୍ଷା ସହିତ ପବନ ଲାଗି ରହିଛି । ଯାହା ପାଇଁ ଜିଲ୍ଲାର ଅନେକ ମଣ୍ଡିରେ ପାଣି ବର୍ଷା ଜମି ରହିଛି । ଶିମିଳିପଦର, ଶୁଣ୍ଡିପଦର, ବରଗୋଛା, ଲମ୍ବସରି, ସରସରା, ବହିରା ମଣ୍ଡିରେ ଥିବା କ୍ୱିଂଟାଲ କ୍ୱିଂଟାଲ ଧାନରେ ବସ୍ତା ବର୍ଷା ପାଣିରେ ଭିଜୁଛି । ପୂର୍ବରୁ ଜିଲ୍ଲାରେ ୬୫୦ ଜଣ ଚାଷୀଙ୍କ ଟୋକନ ରଦ୍ଧ ହୋଇଥିଲା । ଯାହା ପାଇଁ ୩ ହଜାର କ୍ୱିଂଟାଲ ଧାନ ମଣ୍ଡିରେ ପଡ଼ି ରହିଥିଲା ।