ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ମଣଦା ରେଞ୍ଜ ଖେଜୁରୀ କଟାସ ଗ୍ରାମ ନିକଟରେ ଗୋଟିଏ କଲରାପତରିଆ ବାଘ ଛାଲ ଜବତ ହୋଇଛି | ମିଳିଥିବା ସୂଚନା ଅନୁଯାୟୀ, ରାଇରଙ୍ଗପୁର ବନଖଣ୍ଡର ଏକ ସ୍ୱତନ୍ତ୍ର ଟିମ୍ ଉକ୍ତ ଶିକାରୀ ଓ ଚୋରା ଚାଲାଣକାରୀଙ୍କ ଉପରେ ନଜର ରଖିଥିବା ବେଳେ ଆଜି ସକାଳ ୧୦ଟା ସମୟରେ ଧରା ପଡ଼ିଥିଲା |
Sambad is now on WhatsApp
Join and get latest news updates delivered to you via WhatsApp
ଏହି ମାମଲାରେ ବିଶୋଇ ଥାନା ଅନ୍ତର୍ଗତ ବଡ଼ ବାଲିଚୁଆ ଗ୍ରାମର ଲକ୍ଷ୍ମଣ ନାଏକ(୨୭)ଙ୍କୁ ଗିରଫ କରଯାଇଥିବା ବେଳେ ଅନ୍ୟ ଅଭିଯୁକ୍ତମାନେ ଖସି ଯାଇଛନ୍ତି | ରାଇରଙ୍ଗପୁର ବନଖଣ୍ଡ ଅଧିକାରୀ ଅରୁଣ କୁମାର ମିଶ୍ରଙ୍କ ନେତୃତ୍ୱରେ ଏସିଏଫ ବୈଦନାଥ ମାଝୀ, ଏସିଏଫ ନବୀନ ଚନ୍ଦ୍ର ନାୟକ, ଫରେଷ୍ଟର ଓ ଫରେଷ୍ଟ ଗାର୍ଡ ପ୍ରମୁଖ ଚଢ଼ାଉ କରିଥିଲେ | କଲରାପତରିଆ ଛାଲର ଲମ୍ବା ୧୫୩ ସେମି ଓ ୩୧ ସେମି ଓସାର ହୋଇଥିବା ବେଳେ ଦୁଇ ୩ ମାସ ତଳେ ଶିକାର କରାଯାଇଥିବା ଜଣାପଡ଼ିଛି |
ଶିକାରୀ ଚମଡା ନେଇ ଆଜି ବିକ୍ରି ପାଇଁ ମୁଲଚାଲ କରୁଥିବା ବେଳେ ବନବିଭାଗ ପକ୍ଷରୁ ଚଢ଼ାଉ କରାଯାଇଥିଲା | ଶିମିଳିପାଳ ଜୈବମଣ୍ଡଳ ସଂଲଗ୍ନ ଅଂଚଳରୁ କଲରା ପତରିଆଟି ଶିକାର କରାଯାଇଥିବା ପ୍ରାଥମିକ ଅନୁସନ୍ଧାନରୁ ଜଣାପଡ଼ିଛି |