ରାଜନଗର ଉଚ୍ଚବିଦ୍ୟାଳୟ ଷ୍ଟୋରରୁମ୍‌ ଜଳିଗଲା

ପାଟଣା : ଅଗ୍ନିକାଣ୍ଡରେ କେନ୍ଦୁଝର ଜିଲ୍ଲା ପାଟଣା ବ୍ଲକ୍‌ ରାଜନଗର ଉଚ୍ଚବିଦ୍ୟାଳୟର ଷ୍ଟୋରରୁମ୍‌ ସମ୍ପୂର୍ଣ୍ଣ ଜଳିଯାଇଛି। ଗତକାଲି ବିଳମ୍ବିତ ରାତିରେ ଅଗ୍ନିକାଣ୍ଡ ଘଟିଥିଲା। ଷ୍ଟୋରରୁମ୍‌ରେ ଥିବା ବେଞ୍ଚ, ଡେସ୍କ, ଜାଳେଣି କାଠ ମଧ୍ୟାହ୍ନଭୋଜନ ପାଇଁ ଥିବା ମାସକର ଡାଲି, ଅଣ୍ଡା ଏବଂ ଅନ୍ୟାନ୍ୟ ସାମଗ୍ରୀ ପୋଡ଼ି ନଷ୍ଟ ହୋଇଯାଇଛି।

ଏହି ବିଦ୍ୟାଳୟକୁ ୫-ଟିରେ ସାମିଲ କରାଯାଇ ରୂପାନ୍ତରୀକରଣ କରାଯାଉଛି। ରୋଷେଇଘର ନିର୍ମାଣ କାମ ଚାଲୁଥିବାରୁ ଷ୍ଟୋରରୁମ୍‌ରେ ପିଲାଙ୍କ ମଧ୍ୟାହ୍ନଭୋଜନ ରୋଷେଇ ହେଉଥିଲା। ରାତି ପ୍ରାୟ ୧୧ଟାବେଳେ ଘରଟି ହୁତହୁତ ହୋଇ ଜଳୁଥିବା ଦେଖିବାକୁ ମିଳିଥିଲା। ଖବର ପାଇ ସ୍ଥାନୀୟ ଦମକଳ ବାହୀନି ପହଞ୍ଚି ନିଆଁକୁ ଆୟତ୍ତ କରିଥିଲେ। ଅଗ୍ନିକାଣ୍ଡ କାରଣ ଜଣାପଡ଼ିନି ବୋଲି ବିଦ୍ୟାଳୟର ପ୍ରଧାନଶିକ୍ଷକ କହିଛନ୍ତି।