‘ଓଡ଼ିଶା ଅନେକ ଝଡ଼ ସୃଷ୍ଟି କରିପାରିବ’; ଏଭଳି କାହିଁକି କହିଲେ ବଲିଉଡ ନିର୍ଦ୍ଦେଶକ ରାମ ଗୋପାଳ ବର୍ମା

ମୁମ୍ବାଇ: ଓଡ଼ିଆ ଝିଅ ଅପସରା ରାଣୀଙ୍କ ପ୍ରଶଂସାରେ ଶତମୁଖ ବଲିଉଡର ଜଣାଶୁଣା ନିର୍ଦ୍ଦେଶକ ରାମ ଗୋପାଳ ବର୍ମା | ରାମ ଗୋପାଳ ଓଡ଼ିଆ ଝିଅ ଅପସରାଙ୍କୁ ପ୍ରଶଂସା କରି ଟ୍ୱିଟରରେ ଲେଖିଛନ୍ତି ଯେ ୧୯୯୯ ମହାବାତ୍ୟା ପୂର୍ବରୁ  ମୁଁ  ଓଡିଶା ବିଷୟରେ ପ୍ରଥମ କରି ଜାଣିବାକୁ ପାଇଥିଲି | କିନ୍ତୁ ଅପସରାଙ୍କୁ ଭେଟିବା ପରେ ମୁଁ ଅନୁଭବ କଲି ଯେ ଓଡିଶା ଅନେକ ପ୍ରକାରର ଝଡ ସୃଷ୍ଟି କରିପାରେ। ଓଡ଼ିଶାରେ ବି ଏଭଳି ସୁନ୍ଦରୀ ଥିବାର ରହସ୍ୟ ଉଦଘାଟନ ହୋଇଛି | ଏହା ଓଡ଼ିଶାକୁ ସଶକ୍ତ କରିବ।

ବାସ୍ତବିକ ‘କମ୍ପାନୀ’, ‘ରୋଡ୍’ ଏବଂ ‘ରକ୍ତ ଚରିତ୍ର’ ଭଳି ଚଳଚ୍ଚିତ୍ର ନିର୍ମାଣ କରିଥିବା ରାମ ଗୋପାଳ ବର୍ମା ବର୍ତ୍ତମାନ ଘୋଷଣା କରିଛନ୍ତି ଯେ ‘କ୍ଲାଇମାକ୍ସ’ ଏବଂ ‘ନଗ୍ନ’ ଭଳି ଫିଲ୍ମ ପରେ ସେ ବର୍ତ୍ତମାନ ‘ଥ୍ରୀଲର’ ନାମକ ଏକ ଫିଲ୍ମ ନିର୍ମାଣ କରୁଛନ୍ତି । ବିଶେଷ କଥା ହେଉଛି ସେ ଏହି ଚଳଚ୍ଚିତ୍ର ପାଇଁ ଜଣେ ଓଡିଶା ଜନ୍ମିତ ଅଭିନେତ୍ରୀଙ୍କୁ ନାୟିକ‌ା ଭୂମିକାରେ ଆଣିଛନ୍ତି।

ଓଡ଼ିଶା ଜନ୍ମିତା ଏହି ନାୟିକାଙ୍କ ନାମ ଅପସରା ରାଣୀ ହୋଇଥିବାବେଳେ ରାମ ଗୋପାଳ ବର୍ମା ସୋମବାର ଟ୍ୱିଟ୍ କରି କହିଛନ୍ତି, ‘ଆରଜିଭି ୱାର୍ଲ୍ଡ ଥିଏଟରର ପରବର୍ତ୍ତୀ ଚଳଚ୍ଚିତ୍ରର ହିରୋଇନ୍ ଅପସରା ରାଣୀ ହେବେ । ଏହି ଚଳଚ୍ଚିତ୍ରର ନାମ ‘ଥ୍ରୀଲର’  | ଏହା ‘କ୍ଲାଇମାକ୍ସ’ ଏବଂ ‘ନଗ୍ନ’ ର ସଫଳ କାହାଣୀ ହେବ ”| ଅପସରା ଓଡ଼ିଶାରେ ଜନ୍ମ ହୋଇଥିଲେ ବି ଡେରାଡୁନରେ ବଢିଥିଲେ | ଅପସରା ବର୍ତ୍ତମାନ ହାଇଦ୍ରାବାଦରେ ରହୁଛନ୍ତି । ବର୍ମାଙ୍କ କହିବା ଅନୁଯାୟୀ, ଅପସରା ଜଣେ ମହାନ ନୃତ୍ୟଶିଳ୍ପୀ ଏବଂ ଏହାଠାରୁ ବହୁତ ଭଲ ଅଭିନେତ୍ରୀ।

ସମ୍ବନ୍ଧିତ ଖବର

Comments are closed.