ପାଟଣାରେ ରାମନବମୀ

ପାଟଣା : ଗୁରୁବାର ଦିନ ପାଟଣାରେ ପବିତ୍ର ରାମନବମୀ ଉତ୍ସବ ବଜରଙ୍ଗ ସେନା ଆନୁକୁଲ୍ୟରେ ବଜରଙ୍ଗ ସେନାର ସଭାପତି ସୁଜିତ ଦାଶଙ୍କ  ତତ୍ତ୍ବାବଧାନରେ ଅନୁଷ୍ଠିତ ହୋଇଛି। ସ୍ୱାମ ଛକ ସ୍ଥିତ ହନୁମାନ ମନ୍ଦିରରେ  ଯତୀନ୍ଦ୍ର କୁମାର ଦାଶଙ୍କ ଦ୍ଵାରା ସଂକଳ୍ପ ପୂଜାକାର୍ଯ୍ୟ ସମ୍ପାଦନ ହେବା ପରେ ଏକ ବିଶାଳ ପଟୁଆର ପାଟଣା ଆନନ୍ଦେଶ୍ୱର ମନ୍ଦିର ପ୍ରାଙ୍ଗଣରେ ଥିବା ଶ୍ରୀରାମ ମନ୍ଦିର ଅଭିମୁଖେ ବାହାରି ଥିଲା। ଶିଶୁ ମାନେ ରାମ, ସୀତା, ଲକ୍ଷ୍ମଣ ଏବଂ ହନୁମାନ ବେଶରେ ବାହାରି ହନୁମାନ ମନ୍ଦିରରୁ ରାମ ମନ୍ଦିର ଅଭିମୁଖେ ବିଶାଳ ଶୋଭାଯାତ୍ରାରେ ବାହାରିଥିଲେ।

ରାସ୍ତାରେ ରାମ ଧ୍ଵଜାକୁ ଗ୍ରାମବାସୀ ବନ୍ଦାପନା କରିଥିଲେ। ରାମଭକ୍ତ ସବୀର ଦାଶ କାର୍ଯ୍ୟକ୍ରମକୁ ପରିଚାଳନା କରିଥିଲେ। ସ୍ବେଚ୍ଛାସେବୀ କାମୁଲ ପୃଷ୍ଟି, ଅରବିନ୍ଦ ଦାଶ, ପ୍ରଫୁଲ୍ଲ ମହାନ୍ତ, ମଧୁସୂଦନ ମହାନ୍ତ, ଯୁଧିଷ୍ଠିର ମହାନ୍ତ, ଅଜୟ ଭଞ୍ଜ, ଅର୍ଜ୍ଜୁନ ମହାନ୍ତ, ସ୍ୱାମ ହନୁମାନ ମନ୍ଦିର କମିଟିର ସମସ୍ତ ସଦସ୍ୟ, ପାଟଣା ଆନନ୍ଦେଶ୍ୱର ମନ୍ଦିରର ସମସ୍ତ ସଦସ୍ୟ, ପାଟଣା ବଣିକ ସଂଘର କର୍ମକର୍ତ୍ତା , ବିଶ୍ଵ ହିନ୍ଦୁ ପରିଷଦ, ରାଷ୍ଟ୍ରୀୟ ସ୍ଵୟଂ ସେବକ ସଂଘ ଏବଂ ବିଭିନ୍ନ ଅନୁଷ୍ଠାନର ସହଯୋଗ କରିଥିଲେ।