ଚାନ୍ଦବାଲି : ପୂର୍ବରୁ ଦକ୍ଷିଣ ଆମେରିକାରେ ଦେଖାଯାଉଥିବା ବିରଳ ମାଛ କ୍ୟାଟ୍ ଫିସ ଓଡ଼ିଶାର ଚାନ୍ଦବାଲିରେ ଦେଖିବାକୁ ମିଳିଛି । ଏହି ଅଦ୍ଭୁତ ମାତ୍ର ବିଷାକ୍ତ ମାଛକୁ ନେଇ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜାରି ରହିଛି ।
Sambad is now on WhatsApp
Join and get latest news updates delivered to you via WhatsApp
ଭାରତଠାରୁ ହଜାର ହଜାର କିମି ଦୂର ଦକ୍ଷିଣ ଆମେରିକାର ଆମାଜନ ନଦୀର ଏହ ବିରଳ ମାଛ ପୂର୍ବରୁ ବାରଣାସୀଠାରେ ଗଙ୍ଗା ନଦୀରେ ଦେଖିବାକୁ ମିଳିଥିଲା । ହେଲେ ଏହି ମାଛ ମାଛକୁ ଏବେ ଓଡ଼ିଶାର ଚାନ୍ଦବାଲିରେ ଦେଖିବାକୁ ମିଳିଛି । ଦକ୍ଷିଣ ଆମେରିକାରେ ଦେଖାଯାଉଥିବା ଏହି ବିରଳ ପ୍ରଜାତିର ମାଛ ଚାନ୍ଦବାଲିରେ ମିଳିବା ଆଶ୍ଚର୍ଯ୍ୟ ସୃଷ୍ଟି କରିଛି । ଏହା ସ୍ଥାନୀୟ ଚର୍ଚ୍ଚାର ବିଷୟ ପାଲଟିଛି ।
ବାରରାଣୀ ରାମନଗର ଠାରେ ଏହି ବିରଳ ମାଛ ମିଳିବା ପରେ ବୈଜ୍ଞାନିକ ମାନେ ଏହି ମାଛ ଏକ ମାଂସାହାରୀ ଏବଂ ବିଷଯୁକ୍ତ , ଏହା ଆମ ଅଞ୍ଚଳର ସାମୁଦ୍ରିକ ବାତାବରଣ ପାଇଁ ବେଶ କ୍ଷତି କାରକ ବୋଲି ଚେତାଇ ଦେଇଥିଲେ । ତେବେ କେବଳ ଭାରତ ନୁହେଁ ଦକ୍ଷିଣ ଏସିଅରେ ମଧ୍ୟ ଏହି ଭଳି ମାଛ ଦେଖିବାକୁ ମିଳେ ନାହିଁ । କିନ୍ତୁ ବାରଣାସୀ ରାମନଗର ଡ଼ଲଫିନ ସଂଗ୍ରକ୍ଷଣ ଅଂଚଳରେ ଏହି ମାଛ ବାରମ୍ବାର ଦେଖାଯିବା ଅନ୍ୟ ଜୀବଜନ୍ତୁଙ୍କ ପାଇଁ ଭୟ ସୃଷ୍ଟି କରିଥିଲା । ତେବେ ଏହି ମାଛକୁ ଧରିବା ପରେ ପୁନର୍ବାର ଏହାକୁ ନଦୀରେ ନ ଛାଡ଼ିବାକୁ ବିଶେଷଜ୍ଞମାନେ ପରାମର୍ଶ ଦେଇଥିଲେ । ତେବେ ପ୍ରଶ୍ନ ଉଠୁଛି ଭାରତ ଠାରୁ ହଜାର ହଜାର କିଲୋମିଟର ଦୂର ଦକ୍ଷିଣ ଆମେରିକାରେ ଦେଖାଯାଉଥିବା ଏହି ମାଛ ଚାନ୍ଦବାଲିକୁ ଆସିଲା କେମିତି ।
ଆଖିକୁ ସୂନ୍ଦର ଦେଖାଯାଉଥିବା ଏହି ମାଛ ସମ୍ପର୍କରେ ଆମ ଚାନ୍ଦବାଲି ପ୍ରତିନିଧି ଖବର ସଂଗ୍ରହ କରିବାକୁ ଯାଇଥିବା ବେଳେ ଏହି ବିରଳ ପ୍ରଜାତିର ମାଛକୁ କ୍ରିଷ୍ଠା ମଣ୍ଡଳ ନମଜ ଜଣେ ମତ୍ସଜୀବୀ ଧରିଥିଲେ ବୋଲି ଜାଣିବାକୁ ପାଇଥିଲେ । ତାହା ପୁଣି ନଦୀରେ ବନ୍ୟା ସମୟରେ ଭାସିଆସିଥିବା ରାସ୍ତା ଉପରୁ ପାଇଥିବା କହିଛନ୍ତି । ଦୀର୍ଘ ୧ମାସ ହେବ ଏହି ମାଛକୁ ନିଜ ଘରେଥିବା ଏକ କୁଣ୍ଡରେ ସଂରକ୍ଷିତ କରି ରଖିଛନ୍ତି । ସାଧାରଣତଃ ଏହି ମାଛକୁ ଖାଦ୍ୟ ରୁପରେ ଗ୍ରହଣ କରାଯାଉନଥିବା ବେଳେ ଆଖିକୁ ଭଲ ଦେଖାଯାଉଥିବାରୁ ମାଛଟିକୁ ସଂରକ୍ଷଣ କରି ରଖିଛନ୍ତି । ମାଛର ଦେହସାରା କଣ୍ଟାକଣ୍ଟା ରହିଥିବା ବେଳେ ତଳ ପଟେ ରହିଛି ଏହାର ପାଟି । ବିଲେଇ ପରି ମୁହଁ ହୋଇଥିବାରୁ ଏହାକୁ କ୍ୟାଟ୍ ଫିସ ବୋଲି କୁହାଯାଏ ।