କଣ୍ଟିଲୋ ନିକଟସ୍ଥ ମହାନଦୀରୁ ମିଳିଲା ବିରଳ ମାଛ

କଣ୍ଟିଲୋ : ଆଜି ସନ୍ଧ୍ୟାରେ ମହାନଦୀରେ ମାଛ ମାରୁଥିବା ସମୟରେ କଣ୍ଟିଲୋ ଫକୀର ଅତବୁଦ୍ଧି ପାଟଣା ଗ୍ରାମର ଜଣେ କୈବର୍ତ୍ତ ଏକ ବିରଳ ମାଛ ଧରିଛନ୍ତି। ଉକ୍ତ ମାଛର ଦେହସାରା କଣ୍ଟା ଓ ଚିତ୍ର ବିଚିତ୍ର ଦେଖା ଯାଉଥିବା ବେଳେ ଓଜନ ପ୍ରାୟ ୧ କିଲୋ ହେବ। ଆଜି ସନ୍ଧ୍ୟାରେ ଗ୍ରାମର କଣ୍ଡୁରୀ ଦଳେଇ ଓ ମଙ୍ଗୁଳି ଦଳେଇ ମହାନଦୀରେ ମାଛ ଧରୁଥିବା ସମୟରେ ସେମାନଙ୍କ ଜାଲରେ ଏହି ମାଛଟି ପଡ଼ିଥିଲା। ମାଛଟି ଜୀବିତ ରହିଛି ଏବଂ ମାଛଟିକୁ ଦେଖିବାକୁ ଏବେ ଭିଡ଼ ପରିଲକ୍ଷିତ ହୋଇଛି।