ଦୂରଦର୍ଶନ ଓ ଅନ୍ୟ ଚ୍ୟାନେଲଗୁଡ଼ିକରେ ରଥଯାତ୍ରାର ସିଧାପ୍ରସାରଣ
ନୂଆଦିଲ୍ଲୀ : ମାନ୍ୟବର ସର୍ବୋଚ୍ଚ ନ୍ୟାୟାଳୟ ଆଜି କେତେକ କଟକଣା ସହ କେବଳ ପୁରୀରେ ରଥଯାତ୍ରା ପାଇଁ ଅନୁମତି ଦେଇଛନ୍ତି । ଏହାକୁ ନେଇ ଓଡ଼ିଶା ସମେତ ସମଗ୍ର ଦେଶରେ ଶ୍ରଦ୍ଧାଳୁଙ୍କ ମଧ୍ୟରେ ଆନନ୍ଦ ପ୍ରକାଶ ପାଇଛି ।
Sambad is now on WhatsApp
Join and get latest news updates delivered to you via WhatsApp
ତେବେ ସୁପ୍ରିମ କୋର୍ଟଙ୍କ ପକ୍ଷରୁ ପ୍ରକାଶିତ ନିର୍ଦ୍ଦେଶାବଳୀରେ ଦର୍ଶାଯାଇଛି ଯେ ରଥଯାତ୍ରାର ଲାଇଭ ଟେଲିକାଷ୍ଟ ବା ସିଧା ପ୍ରସାରଣ ପାଇଁ ଭିଜୁଆଲ ମିଡିଆ ବା ଦୃଶ୍ୟମାନ ମାଧ୍ୟମ ( ଟେଲିଭିଜନ)କୁ ଅନୁମତି ଦିଆଯିବ । ଏହା ସହିତ ଟିଭି କ୍ୟାମେରା ଲଗାଯିବା ପାଇଁ ରାଜ୍ୟ ସରକାର ବ୍ୟବସ୍ଥା କରିବେ । କୋର୍ଟଙ୍କ ଏହି ନିର୍ଦ୍ଦେଶ ଫଳରେ କେବଳ ସରକାରୀ ଚ୍ୟାନେଲ ଦୂରଦର୍ଶନ ନୁହେଁ, ଘରୋଇ ଟିଭି ଚ୍ୟାନେଲ ମାନଙ୍କ ପାଇଁ ମଧ୍ୟ ବାଟ ଫିଟିଯାଇଛି । ପୂର୍ବରୁ ସ୍ନାନ ଯାତ୍ରା ସମୟରେ କେବଳ ଦୂରଦର୍ଶନ ଦ୍ୱାରା ଲାଇଭ କରାଯାଇ ତାହାର ଫିଡ ସବୁ ଚ୍ୟାନେଲଙ୍କୁ ଦିଆଯାଇଥିଲା । କିନ୍ତୁ ଏଥର ସମସ୍ତଙ୍କୁ ଅନୁମତି ମିଳିବା ଆଶା କରାଯାଉଛି ।
By the decision of the Honourable Supreme Court, tomorrow Lord Jagannath’s Rath Yatra will take place. This will be telecast live by DD and other channels. This was suggested by @PandaJay.@PIB_India @DDNewslive
— Prakash Javadekar (@PrakashJavdekar) June 22, 2020
କେନ୍ଦ୍ର ସୂଚନା ପ୍ରସାରଣ ମନ୍ତ୍ରୀ ପ୍ରକାଶ ଜାବଡେକର ମଧ୍ୟ ଟ୍ଵିଟ କରି ଲେଖିଛନ୍ତି ଯେ ଦୂରଦର୍ଶନ ଓ ଅନ୍ୟ ଚ୍ୟାନେଲଗୁଡ଼ିକରେ ରଥଯାତ୍ରାର ସିଧାପ୍ରସାରଣ କରାଯିବ ।