ରାୟଗଡ଼ା : ଲକଡାଉନ୍, ସଟଡାଉନ୍ ନୀତି ନିୟମକୁ ଉଲ୍ଲଂଘନ କରି ବାହାରେ ବୁଲୁଥିବା ଅମାନିଆଙ୍କୁ ସାବାଡ଼ କରୁଛି ପୁଲିସ୍। ହେଲମେଟ୍, ମାସ୍କ ପିନ୍ଧିନଥିବା ଅଭିଯୋଗରେ ପୁଲିସ୍ ଗତ ୩ ଦିନରେ ୧ ଲକ୍ଷ ୬୧ ହଜାର ୫ ଶହ ଟଙ୍କାର ଜରିମାନା ଆଦାୟ କରିଛି। ନିୟମ ନ ମାନି ଘରେ ନ ରହିଲେ ଆଗକୁ ଦୃଢ଼ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଜିଲ୍ଲା ଆରକ୍ଷୀ ଅଧୀକ୍ଷକ ଡା. ଶର୍ବଣା ବିବେକ ଏମ୍।
Sambad is now on WhatsApp
Join and get latest news updates delivered to you via WhatsApp
ଜୁନ୍ ୩୦ ତାରିଖରେ ରାୟଗଡ଼ା ପୁଲିସ୍ ମଟର ଯାନ ଆଇନ ଉଲ୍ଲଂଘନ ଅଭିଯୋଗରେ ୪୩ ହଜାର ୫ ଶହ, ମାସ୍କ ପିନ୍ଧିନଥିବା ଅଭିଯୋଗରେ ୧୫ ହଜାର ୭ ଶହ ଟଙ୍କାର ଜରିମାନା ଆଦାୟ କରିଥିଲା। ସେହିପରି ୩୧ ତାରିଖରେ ମଟର ଯାନ ଆଇନ ଉଲ୍ଲଂଘନ ବାବଦକୁ ୩୯ ହଜାର, ମାସ୍କ ବାବଦକୁ ୨୦ ହଜାର ୫ ଶହ, ଜୁଲାଇ ୧ ତାରିଖରେ ମଟର ଯାନ ଆଇନ ଉଲ୍ଲଂଘନ ବାବଦକୁ ୪୫ ଜଣଙ୍କ ନିକଟରୁ ୨୮ ହଜାର ୫ ଶହ, ମାସ୍କ ଉଲ୍ଲଂଘନ ବାବଦକୁ ୩୭ ଜଣଙ୍କ ନିକଟରୁ ୧୪ ହଜାର ୩ ଶହ ଟଙ୍କା ଜରିମାନା ଆଦାୟ ହୋଇଛି। ସେହିପରି ସଟଡାଉନ୍ ନିୟମ ନ ମାନି ଆଜି ସହରର ଦୈନିକ ବଜାର, ଉମା ଶଙ୍କର ଲାଇନ୍, ଓଭରବ୍ରିଜ୍ ତଳେ ଦୋକାନ ଖୋଲିଥିବା ୮ ଦୋକାନୀକୁ ପୁଲିସ୍ ତାଗିଦ୍ କରିବା ସହ ନୋଟିସ୍ ଜାରି କରିଛି। ସମସ୍ତଙ୍କ ନିକଟରୁ ପୁଲିସ୍ ୮ ହଜାର ଟଙ୍କା ଫାଇନ୍ ଆଦାୟ କରିଛି। ଭାରପ୍ରାପ୍ତ ଥାନା ଅଧିକାରୀ ନିଳାମ୍ବର ଯାନି, ଏସଆଇ ମାନସ ସାହୁ, ଏଏସଆଇ କୃଷ୍ଣ ଚନ୍ଦ୍ର ବେହେରା ପ୍ରମୁଖ ଚଢ଼ାଉ କରିଥିଲେ।