ମଦର ଟେରେସାଙ୍କର ଓଡିଶା ସହ ସମ୍ପର୍କ
ଭୁବନେଶ୍ୱର: ଆଜି ହେଉଛି ନୋବେଲ ପୁରସ୍କାର ବିଜୟିନୀ ତଥା ସମାଜସେବୀ ମଦର ଟେରେସାଙ୍କର ଜନ୍ମବାର୍ଷିକୀ | ମଦର ଟେରେସାଙ୍କର ଜନ୍ମ ୨୬ ଅଗଷ୍ଟ ୧୯୧୦ରେ ହୋଇଥିବାବେଳେ ଓଡିଶା ସହ ମଧ୍ୟ ତାଙ୍କର ସମ୍ପର୍କ ଥିଲା | ମଦର ଟେରେସା ୧୯୭୪ ମସିହାରେ ଭୁବନେଶ୍ୱର ବୁଲିବାକୁ ଆସିଥିଲେ |ସେ ତତ୍କାଳୀନ ମୁଖ୍ୟମନ୍ତ୍ରୀ ନନ୍ଦିନୀ ଶତପଥୀ ଓ ରାଜ୍ୟପାଳ ଆକବର ଅଲ୍ଲୀ ଖାନ୍ଙ୍କୁ ଭେଟିଥିଲେ। ଓଡ଼ିଶା ଗସ୍ତ ସମୟରେ ତାଙ୍କୁ ଓଡିଶା ଖୁବ୍ ଭଲ ଲାଗିଥିଲା। ଓଡ଼ିଶାରେ ମଦର ଟେରେସା ମିସିନାରୀ ଅଫ୍ ଚାରିଟି ନାମରେ ୧୩ଟି ସଂସ୍ଥା ରହିଛି।
Sambad is now on WhatsApp
Join and get latest news updates delivered to you via WhatsApp
ଅନ୍ୟପକ୍ଷରେ ଭୁବନେଶ୍ୱରର ସତ୍ୟନଗରରୁ କଟକ-ପୁରୀ ରୋଡ୍କୁ ସଂଯୋଗ କରୁଥିବା ଫ୍ଲାଇ ଓଭର ରାସ୍ତାକୁ ମଦର ଟେରେସାଙ୍କ ନାମରେ ନାମିତ କରାଯାଇଛି | ଏହି ରାସ୍ତାର ନାମ ‘ସନ୍ଥ ମଦର ଟେରେସା ମାର୍ଗ’ ରଖିବାକୁ ଭୁବନେଶ୍ୱର ମହାନଗର ନିଗମ କର୍ତ୍ତୃପକ୍ଷ ନିଷ୍ପତ୍ତି ନେଇଥିଲେ। ଯାହାକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଦର ଟେରେସାଙ୍କ ଉଦ୍ଦେଶ୍ୟରେ ଲୋକାର୍ପିତ କରିଥିଲେ |
ସେହିପରି ଟେରେସାଙ୍କ ଜନ୍ମବାର୍ଷିକୀରେ ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୱିଟରରେ ଶ୍ରଦ୍ଧାଞ୍ଜଳି ଜଣାଇଛନ୍ତି | ନବୀନ ଲେଖିଛନ୍ତି ଯେ ମଦର ଟେରେସାଙ୍କର ଗରିବଙ୍କ ପ୍ରତି ନିସ୍ଵାର୍ଥପର ସେବା ଆମକୁ ଅନୁପ୍ରାଣିତ କରେ |
Humble tribute to Bharat Ratna #MotherTeresa on her birth anniversary. Her compassionate service to the poorest of poor and unfailing commitment towards humanity continues to inspire us to this day. #InternationalDayOfCharity pic.twitter.com/lmr8p9ZQoS
— Naveen Patnaik (@Naveen_Odisha) 26 August 2019