ଖୋର୍ଦ୍ଧା : କୋଭିଡ୧୯ ମହାମାରୀ ମୁକାବିଲାରେ ସରକାରଙ୍କ ପଦେକ୍ଷପକୁ ସମର୍ଥନ କରି ଖୋର୍ଦ୍ଧା ଜିଲ୍ଲାର ଅନେକ ବଦାନ୍ୟବ୍ୟକ୍ତି, ସାଧାରଣ ବ୍ୟବସାୟୀ, ଅବସରପ୍ରାପ୍ତ କର୍ମଚାରୀ, ମହିଳା ସ୍ୱୟଂ ସହାୟକ ଗୋଷ୍ଠୀ ଓ ସଂଗଠନ ନିଜ ନିଜ ଶକ୍ତି ମୁତାବକ ସହାୟତା ଦେଇଛନ୍ତି । ଆଜି ଜଣେ ଅବସରପ୍ରାପ୍ତ କର୍ମଚାରୀ ନିଜର ଦିନକର ପେନ୍ସନ ଅର୍ଥ ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିଙ୍କୁ ପ୍ରଦାନ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ରାଜ୍ୟ ପ୍ରାଣୀ ସମ୍ପଦ ବିଭାଗରେ କର୍ମଚାରୀ ଭାବେ କାର୍ଯ୍ୟ କରି ଅବସର ଗ୍ରହଣ କରିଥିବା ରମେଶ ଚନ୍ଦ୍ର ରଥ ନିଜର ଦିନକର ପେନସନ୍ ଅର୍ଥ ୧୧୧୧ଟଙ୍କା ଅତିରିକ୍ତ ଜିଲ୍ଲାପାଳ (ରାଜସ୍ୱ)ଙ୍କ ଜରିଆରେ ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠୀକୁ ପ୍ରଦାନ କରିଛନ୍ତି । ସେ ଦେଶର ଅନ୍ୟ ରାଜ୍ୟ ତୁଳନାରେ ରାଜ୍ୟ ସରକାରଙ୍କ କରୋନା ଯୁଦ୍ଧରେ ପ୍ରଭାବଶାଳୀ ପଦକ୍ଷେପର ପ୍ରଶଂସା କରିଛନ୍ତି ।
ସେହିଭଳି ଖୋର୍ଦ୍ଧାର ପରିଚିତ କ୍ରୀଡ଼ା ଅନୁଷ୍ଠାନ ଇଗଲ କ୍ରିକେଟ୍ କ୍ଲବ ପକ୍ଷରୁ ଏହାର ସଂପାଦକ ଅଭିଶେକ ସିଂହସାମନ୍ତ ଜିଲ୍ଲାପାଳ ସୀତାଂଶ କୁମାର ରାଉତଙ୍କୁ ଭେଟି ୧ଲକ୍ଷ ଟଙ୍କାର ଚେକ୍ ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠୀକୁ ପ୍ରଦାନ କରିଛନ୍ତି । ଏହା ସହ କ୍ଲବ ପକ୍ଷରୁ ଆଗାମୀ ଦିନରେ ନିମ୍ନ ଆୟବର୍ଗ, ଖଟିଖିଆ, ମଜୁରିଆଙ୍କୁ ସାବୁନ, ମାସ୍କ ଓ ଶୁଖିଲା ଖାଦ୍ୟ ପ୍ରଦାନ କରାଯିବ ବୋଲି ଶ୍ରୀ ସିଂହସାମନ୍ତ ସୂଚନା ଦେଇଛନ୍ତି ।