ଦୁର୍ନୀତି କଲେ-ଫଳ ପାଇଲେ, ଅବସର ପୂର୍ବରୁ ସରକାର ଦେଲେ ବାଧ୍ୟତାମୂଳକ ଅବସର
ଭୁବନେଶ୍ୱର: ସରକାରୀ ଚାକିରି କରି ଦୁର୍ନୀତି କଲେ କିଭଳି ଫଳ ଭୋଗିବାକୁ ପଡେ, ତାହାର ଆଜି ଏକ ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି | ଦୁଇ ଜଣ ସରକାରୀ ଅଧିକାରୀଙ୍କୁ ସରକାର ଆଜି ବାଧ୍ୟତାମୂଳକ ଅବସର ଦେଇଛନ୍ତି | ଏହି ଦୁଇ ସରକାରୀ ବାବୁ ହେଉଛନ୍ତି ଢେଙ୍କାନାଳ ଓଟିଇଏସ ଆରଟିଓ ବସନ୍ତ ବେହେରା ଓ ଅବକାରୀ ବିଭାଗର ଡେପୁଟି କମିଶନର ଦିଲ୍ଲୀପ କୁମାର ନାଗ |
Sambad is now on WhatsApp
Join and get latest news updates delivered to you via WhatsApp
ଅଭିଯୋଗ ମୁତାବକ ଓଡିଶା ଟ୍ରାନ୍ସପୋର୍ଟ ଇଂଜିନିୟରିଂ ସର୍ଭିସର ଆରଟିଓ ବସନ୍ତ ବେହେରାଙ୍କ ନାମରେ ୨୦୧୮ ମସିହାରେ ଭିଜିଲାନ୍ସ ମାମଲା ରୁଜୁ କରିଥିଲା | ତାଙ୍କ ନାମରେ ସମୁଦାୟ ୩ କୋଟି ୬୧ ଲକ୍ଷ ଟଙ୍କାର ଆୟ ବହିର୍ଭୁତ ସମ୍ପତ୍ତି ଠୁଳ କରିଥିବାର ଭିଜିଲାନ୍ସ ଜାଣିବାକୁ ପାଇଥିଲା | ସେହିପରି ୨୦୧୨ ମସିହାରେ କଟକରେ ତାଙ୍କ ବାସଭବନରେ ଭିଜିଲାନ୍ସ ଚଢ଼ାଉ କରି ଘରୁ ନଗଦ ୪୭ ଲକ୍ଷ ୫୦ ହଜାର ଟଙ୍କା ଜବତ କରାଯାଇଥିଲା |
ସେ ତାଙ୍କ ନାମରେ ସମୁଦାୟ ଦେଢ଼ କୋଟି ଟଙ୍କାର ସମ୍ପତ୍ତି ଠୁଳ କରିଥିବାର ଭିଜିଲାନ୍ସ ମାମଲା ରୁଜୁ କରିଥିଲା | ଯାହାକୁ ନେଇ ସରକାର ଏହି ଦୁଇ ଅଧିକାରୀଙ୍କୁ ବାଧ୍ୟତାମୂଳକ ଅବସର ଦେଇଛନ୍ତି |