ବିଜେପି ନେତାଙ୍କ ଘରୁ ସଶସ୍ତ୍ର ଡକାୟତି: ନଗଦ ୩ ଲକ୍ଷ ୨୦ ହଜାର ଟଙ୍କା ଓ ୩୦ ଭରି ଗହଣା ଲୁଟିନେଲେ
ଭୁବନେଶ୍ବର: ମଞ୍ଚେଶ୍ୱର ଥାନା ଅନ୍ତର୍ଗତ ଭୋଟ୍ଟପଡ଼ାରେ ଜଣେ ବିଜେପି ନେତାଙ୍କ ଘରୁ ସଶସ୍ତ୍ର ଡକାୟତି ଖବର ଚାଞ୍ଚଲ୍ୟ ଖେଳାଇଦେଇଛି। ଅଭିଯୋଗ ଅନୁଯାୟୀ, ରାତି ସାଢ଼େ ୨ଟା ବେଳେ ଦୀନବନ୍ଧୁ ଦାସଙ୍କ ଘରେ ୫ରୁ ଅଧିକ ଦୁର୍ବୃତ୍ତ ଘରେ ପଶିଥିଲେ। ସେମାନେ ହାତରେ ରିଭଲଭର୍ ଓ ଲୁହା ଛଡ଼ ଧରିଥିଲେ। ସେମାନେ ରିଭଲଭର୍ ଦେଖାଇ ଦୀନବନ୍ଧୁ ଓ ତାଙ୍କ ଝିଅଙ୍କୁ ବାନ୍ଧି ଦେଇଥିଲେ। ଏହାକୁ ଦୀନବନ୍ଧୁଙ୍କ ପତ୍ନୀ ବିରୋଧ କରିବାରୁ ତାଙ୍କୁ ମୁଣ୍ଡକୁ ଜଣେ ଦୁର୍ବୃତ୍ତ ଲୁହାଛଡ଼ରେ ଆଘାତ କରିଥିଲେ। ତାପରେ ସେମାନେ ଘରେ ଥିବା ନଗଦ ୩ ଲକ୍ଷ ୨୦ ହଜାର ଟଙ୍କା ଓ ୩୦ ଭରି ଗହଣା ଲୁଟି ନେଇଥିଲେ।
Sambad is now on WhatsApp
Join and get latest news updates delivered to you via WhatsApp
ଦୀନବନ୍ଧୁଙ୍କ ପତ୍ନୀଙ୍କ କହିବା ଅନୁଯାୟୀ, ଦୁର୍ବୃତ୍ତମାନଙ୍କ କଥାରୁ ଜଣାପଡ଼ୁଥିଲା ସେମାନେ ଶାସକ ବିଜେଡିର କର୍ମୀ। ଏନେଇ ମଞ୍ଚେଶ୍ୱର ଥାନାରେ ଏତଲା ଦିଆଯିବା ପରେ ଘଟଣାସ୍ଥଳରେ ଥାନା ଅଧିକାରୀ ସୁଧୀର ସାହୁ ଓ ଏସିପି ସଞ୍ଜୀବ ଶତପଥୀ ସାଇଣ୍ଟିଫିକ୍ ଟିମ୍ ସହ ପହଞ୍ଚି ତଦନ୍ତ ଆରମ୍ଭ କରିଛନ୍ତି।