ରାଉରକେଲା ବିମାନ ବନ୍ଦରରେ ୧୩ ଦିନ ଧରି ଅଟକିଛି ନ୍ୟୁଜିଲାଣ୍ଡର ଦୁଇଟି ବିମାନ
ବିମାନର ଥିଲେ ଦୁଇ ପାଇଲଟଙ୍କ ସମେତ ୬ଜଣ ବିଦେଶୀ
ରାଉରକେଲା : ଗତ ୧୩ ଦିନ ଧରି ରାଉରକେଲା ବିମାନ ବନ୍ଦରରେ ଅଟକିଛି ଦୁଇ ବିଦେଶୀ ବିମାନ l ଏହି ବିମାନରେ ଦୁଇଜଣ ପାଇଲଟଙ୍କ ସମେତ ୬ଜଣ ବିଦେଶୀ ଥିଲେ l କରୋନା ପାଇଁ ଲକଡାଉନ ପରେ ସେମାନଙ୍କୁ କୁଆଡ଼େ ଆରଏସପି ଅଧିକାରୀ ତରବରିଆ ଭାବେ ଝାରସୁଗୁଡ଼ା ବିମାନ ବନ୍ଦରରୁ ଦିଲ୍ଲୀ ଦେଇ ନ୍ୟୁଜିଲାଣ୍ଡ ପଠାଇ ଦେଇଥିବା କୁହାଯାଉଛି l ରାଉରକେଲାରେ ପହଞ୍ଚିବା ପରେ ଆରଏସପି କର୍ତ୍ତୃପକ୍ଷ ଆଇଜିଏଚରେ ସମସ୍ତଙ୍କର ସ୍ୱାସ୍ଥ୍ୟ ପରୀକ୍ଷା କରି ରାଉରକେଲାର ଏକ ହୋଟେଲରେ ରଖିଥିଲେ l ଏ ସଂପର୍କରେ ଜିଲ୍ଲା ପ୍ରଶାସନକୁ ଜଣାଇ ନ ଥିଲେ l ଆରଏସପି ଅଧିକାରୀ କିନ୍ତୁ ଏ ସଂକ୍ରାନ୍ତରେ କିଛି କହିବାକୁ ମନା କରି ଦେଇଛନ୍ତି l
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ଗତ ୧୯ ତାରିଖରେ ଭୌଗୋଳିକ ସର୍ଭେ ପାଇଁ ଏହି ଦୁଇଟି ବିମାନ ରାଉରକେଲା ବିମାନ ବନ୍ଦରରେ ଅବତରଣ କରିଥିଲା l କରୋନା ପାଇଁ ସାରାଦେଶ ଲକ ଡାଉନ ଘୋଷଣା ପରେ ଦୁଇ ପାଇଲଟ ସମେତ ୬ଜଣ ବିଦେଶୀଙ୍କୁ ଫେରି ଆସିବାକୁ ନ୍ୟୁଜିଲାଣ୍ଡରୁ ଖବର ଆସିଥିଲା l ସେମାନେ ସହାୟତା ପାଇଁ ଆରଏସପି ଅଧିକାରୀଙ୍କୁ ଅନୁରୋଧ କରିଥିଲେ l ଅଧିକାରୀମାନେ ସେମାନଙ୍କୁ ନ୍ୟୁଜଲ୍ୟାଣ୍ଡ ପଠାଇ ଦେଇଥିଲେ l
ତେବେ ଏ ସଂକ୍ରାନ୍ତରେ ଆରଏସପି କର୍ତ୍ତୃପକ୍ଷ ଜିଲ୍ଲା ପ୍ରଶାସନକୁ କାହିଁକି ଜଣାଇଲେ ନାହିଁ, ତାକୁ ନେଇ ଲୋକଙ୍କ ମଧ୍ୟରେ ନାନା କଥା ଆଲୋଚନା ହେଉଛି l