ରାଉରକେଲା : ସହରରେ ଖୋଲିଲା ବହି ଦୋକାନ l ସୁନ୍ଦରଗଡ଼ ନିଖିଳ ପବନ କଲ୍ୟାଣ ଏ ସମ୍ପର୍କିତ ନିର୍ଦେଶନାମା ଜାରି କରିଛନ୍ତି l ଆଜିଠୁ ସକାଳ ୭ଟା ରୁ ଦିନ ୧୧ଟା ପର୍ଯ୍ୟନ୍ତ ବହି ଦୋକାନଗୁଡ଼ିକ ଖୋଲାଯାଇଛି l ସାମାଜିକ ଦୂରତା ନିୟମକୁ କଡ଼ାକଡ଼ି ପାଳନ କରିବାକୁ ଦୋକାନୀଙ୍କୁ ନିର୍ଦେଶ ଦିଆଯାଉଛି l ଏହାର ଖିଲାପ କଲେ ଦୋକାନ ସିଲ୍ ହେବ ଏବଂ ଦୋକାନୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ନିର୍ଦେଶନାମାରେ ସ୍ପଷ୍ଟ ଉଲ୍ଳେଖ କରାଯାଇଛି l
Sambad is now on WhatsApp
Join and get latest news updates delivered to you via WhatsApp
ରାଉରକେଲା ସହରର ଉଦିତ ନଗର, ଏସଟିଆଇ, ପାନପୋଷ, କୋଏଲ ନଗର, ଇସ୍ପାତ ମାର୍କେଟ, ସେକ୍ଟର ୧୮, ମଧୁସୂଦନ ମାର୍କେଟ, ଫର୍ଟିଲାଇଜର, ବେଦବ୍ୟାସରେ ୩୦ରୁ ଅଧିକ ବହି ଦୋକାନ ରହିଛି l ସହରରେ ଉଭୟ ଆଇସିଏସଇ ଓ ସିବିଏସଇ ପରିଚାଳନାଧୀନ ଛୋଟ ବଡ଼ ୧୨୦ରୁ ଅଧିକ ଇଂରାଜି ମାଧ୍ୟମ ସ୍କୁଲ ରହିଛି l୨୫ ହଜାରରୁ ଅଧିକ ପିଲା ପାଠ ପଢୁଛନ୍ତି l ଲକଡାଉନ ପରେ ବହି ଦୋକାନଗୁଡ଼ିକ ବନ୍ଦ ଥିବାରୁ ପିଲାଙ୍କ ପାଠ୍ୟପୁସ୍ତକ ମିଳୁନଥିଲା l ବହି ନ ଥବାରୁ ଅଭିଭାବକମାନେ ସେମାନଙ୍କ ପିଲାଙ୍କୁ ଘରେ ପାଠ ପଢାଇ ପାରୁ ନ ଥିଲେ।