ଭାଇକୁ ରାକ୍ଷୀ ବାନ୍ଧିବାକୁ ଆସିଥିବା ବେଳେ ମହିଳାଙ୍କୁ କମେଣ୍ଟ ମରାରୁ ଉତ୍ତେଜନା: ଜାଳିଦେଲେ ମୋଟର ବାଇକ, ଦୁଇ ଅଭିଯୁକ୍ତ ଭାଇ ଫେରାର୍
ରାଉରକେଲା: ରାକ୍ଷୀ ପୂର୍ଣ୍ଣିମାରେ ଅଘଟଣ। ଭାଇକୁ ରାକ୍ଷୀ ବାନ୍ଧିବାକୁ ଆସିଥିବା ବେଳେ ଭଉଣୀକୁ ଆପତ୍ତିଜନକ ମନ୍ତବ୍ୟ ଦେବା ଘଟଣାକୁ ନେଇ ରାଉରକେଲାର ୧୫ ନମ୍ବର ସେକ୍ଟର ଅଞ୍ଚଳରେ ଉତ୍ତେଜନା ଦେଖା ଦେଇଥିଲା । ରାକ୍ଷୀ ବାନ୍ଧିବାକୁ ଆସିଥିବା ମହିଳାଙ୍କ ସ୍ୱାମୀଙ୍କ ବାଇକରେ ଜଣେ ଯୁବକ ନିଆଁ ଲଗାଇ ଦେଇଥିଲେ । ଫଳରେ ଗାଡ଼ିଟି ସମ୍ପୂର୍ଣ୍ଣ ପୋଡ଼ିଯାଇଛି । ଘଟଣା ସ୍ଥଳରେ ଫାୟାର ବ୍ରିଗେଡ଼ ଟିମ ପହଞ୍ଚି ନିଆଁକୁ ଆୟତ୍ତ କରିଥିଲେ । ୧୫ ନମ୍ବର ସେକ୍ଟର ଥାନା ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛନ୍ତି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଗତକାଲି ସନ୍ଧ୍ୟା ସମୟରେ ରାଉରକେଲା ମାଲଗୋଦାମ ଅଞ୍ଚଳର ମହିଳା ଜଣଙ୍କ ତାଙ୍କ ଭାଇକୁ ରାକ୍ଷୀ ବାନ୍ଧିବାକୁ ଯାଇଥିବା ବେଳେ ଜଣେ ଯୁବକ କମେଣ୍ଟ ମାରିଥିବା ଅଭିଯୋଗ ହୋଇଥିଲା। ଏହାକୁ ନେଇ ବଚସା ହୋଇ ମାରପିଟ ହୋଇଥିଲା । କମେଣ୍ଟ ମାରିଥିବା ଯୁବକର ଭାଇ ସେଠାରେ ପହଞ୍ଚି ବାଇକରେ ନିଆଁ ଲଗାଇ ଦେଇଥିଲେ । ଅଭିଯୁକ୍ତ ଦୁଇଭାଇ ଫେରାର ହୋଇଯାଇଛନ୍ତି।