ରାଉରକେଲା : ସକାଳୁ ରାଉରକେଲାରେ ଦେଖିବାକୁ ମିଳିଛି ଜନତା କର୍ଫ୍ୟୁର ପ୍ରଭାବ । ଷ୍ଟେସନଠାରୁ ଆରମ୍ଭ କରି ବିଭିନ୍ନ ରାଜରାସ୍ତା ସବୁଠି ଶୂନଶାନ୍ l ପ୍ରଧାନମନ୍ତ୍ରୀଙ୍କ ଆହ୍ବାନ କ୍ରମେ ଆଜି ସାରା ଦେଶରେ ଜନତା କର୍ଫ୍ୟୁ । ତେବେ ଏହାର ବିଶେଷ ପ୍ରଭାବ ଦେଖିବାକୁ ମିଳିଛି ରାଉରକେଲାରେ । ରେଳ ଷ୍ଟେସନଠାରୁ ଆରମ୍ଭ କରି ଜନଗହଳିପୂର୍ଣ୍ଣ ସ୍ଥାନ ସବୁ ଖାଁ ଖାଁ।
Sambad is now on WhatsApp
Join and get latest news updates delivered to you via WhatsApp
କରୋନାର ମୁକାବିଲା ପାଇଁ ପ୍ରଧାନମନ୍ତ୍ରୀଙ୍କ ଏହି ସଚେତନତା ବାର୍ତ୍ତାକୁ ଲୋକମାନେ ମାନି ଘରୁ ବାହାରି ନ ଥିବା ବେଳେ ଦୋକାନ ବଜାର ସବୁ ବନ୍ଦ ରହିଛି । ରାଉରକେଲା ସମେତ ସୁନ୍ଦରଗଡ଼ ଜିଲ୍ଲାର ବୀରମିତ୍ରପୁର, ରାଜଗାଙ୍ଗପୁର, ବିଶ୍ରା,ବଣାଇ,ସୁନ୍ଦରଗଡ଼ରେ ମଧ୍ୟ ରାଜରାସ୍ତା ଜନଶୂନ୍ୟ ରହିଛି।
କର୍ଫ୍ୟୁକୁ ନେଇ ସୁନ୍ଦରଗଡ଼ ଜିଲ୍ଲାର ଆଦିବାସୀ ବହୁଳ ଅଞ୍ଚଳରେ ଲୋକେ ବାହାରକୁ ବାହାରି ନ ଥିବା ବେଳେ ଗାଈଗୋରୁଙ୍କୁ ମଧ୍ୟ ବାହାରକୁ ଛାଡ଼ି ନ ଥିବା ଦେଖିବାକୁ ମିଳିଛି । ଆଉ କିଛି ଗ୍ରାମବାସୀ କରୋନାକୁ ନେଇ ବିଶେଷ କିଛି ଅବଗତ ନ ଥାଇ ମଧ୍ୟ ଜନତା କର୍ଫ୍ୟୁ ସମୟରେ ସତର୍କତା ଅବଲମ୍ବନ କରିଥିବା ଦେଖିବାକୁ ମିଳିଛି ।