ଲୋକଙ୍କ ଠାରୁ ଦେଢ଼ କୋଟି ଟଙ୍କା ଠକି ନେଇଥିବା ଅଭିଯୋଗ, ଆରକ୍ଷୀ ଅଧୀକ୍ଷକଙ୍କୁ ଅଭିଯୋଗ
ଖୋର୍ଦ୍ଧା: ବାଣପୁର ଥାନା ଅନ୍ତର୍ଗତ ସାନହନ୍ତୁଆଡ଼ ଗ୍ରାମର ଏକ ଦମ୍ପତି ଗ୍ରାମର କେତେକ ଲୋକଙ୍କ ଠାରୁ ବିଭିନ୍ନ ସମୟରେ ଲକ୍ଷାଧିକ ଟଙ୍କା ଧାର ନେଇ ନଶୁଝି ଫେରାର୍ ହୋଇଯାଇଥିବା ଘଟଣାରେ ପୁଲିସ ନିଷ୍କ୍ରିୟତା ଅଭିଯୋଗ କରି ଖଲିକୋଟ ଓ ବାଣପୁରର ବିଭିନ୍ନ ଗାଁର ମହିଳାମାନେ ଜିଲ୍ଳାପାଳ ଓ ଆରକ୍ଷୀ ଅଧୀକ୍ଷକଙ୍କ ଦ୍ୱାରସ୍ଥ ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଗତକାଲି ପ୍ରାୟ ୧୨ଜଣ ମହିଳାଙ୍କ ଏକ ପ୍ରତିନିଧି ଦଳ ଜିଲ୍ଲାପାଳ କେ ସୁଦର୍ଶନ ଚକ୍ରବର୍ତୀଙ୍କୁ ସାକ୍ଷାତ କରି ଏନେଇ ଅଭିଯୋଗ କରିଥିଲେ । ଏହାପରେ ଜିଲ୍ଳାପାଳ ସେମାନଙ୍କୁ ଖୋର୍ଦ୍ଧା ଆରକ୍ଷୀ ଅଧୀକ୍ଷକଙ୍କ ସହ ସାକ୍ଷାତ କରିବାକୁ ପରାମର୍ଶ ଦେଇଥିଲେ । ମହିଳାମାନେ ଆରକ୍ଷୀ ଅଧୀକ୍ଷକଙ୍କୁ ସାକ୍ଷାତ କରି ଘଟଣା ସମ୍ପର୍କରେ ଜଣାଇଛନ୍ତି । ସେମାନଙ୍କ ଅଭିଯୋଗ ହେଲା, ତାଙ୍କ ଗାଁର ସୁଦର୍ଶନ ପ୍ରଧାନ ଓ ଝୁନୁବାଳା ପ୍ରଧାନ ୧୦୦ଜଣ ମହିଳାଙ୍କ ଠାରୁ ବିଭିନ୍ନ ସମୟରେ ଲକ୍ଷାଧିକ ଟଙ୍କା ନେଇଥିଲେ । ଯାହାର ପରିମାଣ ପ୍ରାୟ ଦେଢ଼ କୋଟି ଟଙ୍କା ହେବ । ଗତ ମାସ ୧୨ ତାରିଖରେ ଗଂଜାମ ଖଲିକୋଟ ଲଙ୍ଗଳେଶ୍ୱରର ମମତା ସାହୁ ନାମ୍ନୀ ଜଣେ ମହିଳା ବାଣପୁର ଥାନାରେ ଝୁନୁବାଳାଙ୍କ ନାମରେ ଅଭିଯୋଗ କରିଥିଲେ । ସେ ଅଭିଯୋଗରେ ଦର୍ଶାଇଥିଲେ ଯେ ଝୁନୁବାଳା ତାଙ୍କ ଠାରୁ ୧ ବର୍ଷ ପୂର୍ବେ ୨ଲକ୍ଷ ୫୦ ହଜାର ଟଙ୍କା ହାତଉଧାରୀ ନେଇଥିଲେ । ପରେ ଏହାକୁ ସେ ଫେରାଇବାକୁ କହିବାାରୁ ତାଙ୍କୁ ଗାଳିଗୁଲଜ କରିଥିଲେ । କେବଳ ମମତା ନୁହନ୍ତି ଆଖପାଖ ଗାଁର ଶତାଧିକ ମହିଳାଙ୍କ ନିକଟରୁ ଏଭଳି ଟଙ୍କା ନେଇ ସେ ଫେରାର୍ ହୋଇଯାଇଛନ୍ତି ।
ମହିଳାଙ୍କ କହିବା କଥା ହେଲା ପୁଲିସ ସେମାନଙ୍କ ଅଭିଯୋଗ ଉପରେ ଏକ ମାମଲା ରୁଜୁ କରିଥିଲେ ମଧ୍ୟ ସେମାନଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିନାହିଁ । ସେମାନଙ୍କ ଝିଅ, ଜ୍ୱାଇଁ ଗାଁରେ ରହୁଛନ୍ତି ସେମାନେ ମଧ୍ୟ ଏହି ଟଙ୍କା ହଡ଼ପରେ ସାମିଲ ଅଛନ୍ତି ବୋଲି ଅଭିଯୋଗ କରିଛନ୍ତି । ଆରକ୍ଷୀ ଅଧୀକ୍ଷକ ବାଣପୁର ଏସ୍ଡିପିଓଙ୍କୁ ଏନେଇ ତଦନ୍ତ କରି ରିପୋର୍ଟ ଦେବାକୁ ନିଦେ୍ର୍ଦଶ ଦେଇଥିବା କାର୍ଯ୍ୟାଳୟ ସୂତ୍ରରୁ ଜଣାଯାଇଛି ।