ଖୋର୍ଦ୍ଧା: ଖୋର୍ଦ୍ଧା ଟାଉନ ଥାନା ପୁଲିସ ପକ୍ଷରୁ ହୋଇଥିବା ଚଢ଼ଉରେ ଆଜି ୫ଲକ୍ଷ ଟଙ୍କାରୁ ଊର୍ଦ୍ଧ୍ବର ବ୍ରାଉନ୍ସୁଗାର ଜବତ କରାଯିବା ସହ ଜଣେ ମହିଳାଙ୍କ ସମେତ ଦୁଇଜଣଙ୍କୁ ଗିରଫ କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ସୂଚନାନୁସାରେ, ଆଜି ସକାଳ ପ୍ରାୟ ସାଢ଼େ ୧୦ଟା ବେଳେ ଟାଉନ ଥାନା ପୁଲିସର ଏକ ଟିମ୍ ପୂର୍ବ ସୂଚନା ଆଧାରରେ କେଟି ଗ୍ଲୋବାଲ୍ ସ୍କୁଲ ନିଟରେ ଛକି ବସିଥିଲେ । ଏହି ସମୟରେ ଏକ କାରରେ (ସୁଜକି ସୁଇଫ୍ଟ ଓଡି ୦୫ ଜେଡ୍ ୬୮୦୨)ରେ ଜଣେ ମହିଳାଙ୍କ ସମେତ ଜଣେ ପୁରୁଷ ସେଠାରେ ପହଂଚିଥିଲେ । ପୁଲିସ ସେଠାରେ ପହଂଚି ସେମାନଙ୍କ କାର ଯାଂଚ କରିଥିଲେ। ସେଥିରୁ ୫୧ ଗ୍ରାମ ବ୍ରାଉନ୍ସୁଗାର ଯାହାର ଆନୁମାନିକ ମୂଲ୍ୟ ୫ଲକ୍ଷ ୧୦ହଜାର ଟଙ୍କା ହେବ । ଏହା ସହ ସେମାନଙ୍କ ନିକଟରୁ ୧୧ହଜାର ଟଙ୍କା ନଗଦ ଜବତ କରାଯାଇଥିଲା । ଏନେଇ ଖୋର୍ଦ୍ଧା ଟାଉନ ଥାନାର ଭାରପ୍ରାପ୍ତ ଅଧିକାରୀ କହିଛନ୍ତି ଯେ ଅଭିଯୁକ୍ତ ସ୍ଥାନୀୟ ମଠସାହି ବାସିନ୍ଦା । ସେମାନେ ହେଲେ ବୃନ୍ଦାବନ ପ୍ରଧାନ (୪୨) ଓ ତାଙ୍କ ପତ୍ନୀ ସ୍ନେହଲତା ପ୍ରଧାନ ଓରଫ ରୂପା (୩୬) । ଉଭୟଙ୍କ ବିରୋଧରେ ମାମଲା ରୁଜୁ କରାଯିବା ସହ ସେମାନଙ୍କୁ କୋର୍ଟ ଚାଲାଣ କରାଯାଇଛି ।