ମଦ ଦୋକାନ କର୍ମଚାରୀଙ୍କୁ ଆକ୍ରମଣ କରି ୫ ଲକ୍ଷ ଲୁଟ୍
ବଅଁରପାଳ :ବଅଁରପାଳ ଥାନା ମହୀଧରପୁର ଫାଣ୍ଡି ଅନ୍ତର୍ଗତ ମହୀଧରପୁର- ଫୁଲପଡ଼ା ରାସ୍ତାରେ ଆଜି ପୂର୍ବାହ୍ଣରେ ୭ ଜଣ ଦୁର୍ବୃତ୍ତ ଜଣେ ମଦ ଦୋକାନ କର୍ମଚାରୀଙ୍କୁ ମାରଣାସ୍ତ୍ରରେ ଆକ୍ରମଣ କରି ତାଙ୍କ ସ୍କୁଟି ସହ ୫ ଲକ୍ଷ ଟଙ୍କା ଲୁଟି ନେଇଛନ୍ତି। ଏ ନେଇ ମହୀଧରପୁର ଫାଣ୍ଡିରେ ଅଭିଯୋଗ ପରେ ପୁଲିସ ପକ୍ଷରୁ ତଦନ୍ତ ଚାଲିଛି।
Sambad is now on WhatsApp
Join and get latest news updates delivered to you via WhatsApp
ଆଜି ପୂର୍ବାହ୍ଣ ସାଢ଼େ ୯ଟା ବେଳେ ହିନ୍ଦୋଳ ବିଦେଶୀ ମଦ ଦୋକାନର କର୍ମଚାରୀ ସୌରଭ ଯାଦବ ଏକ ସ୍କୁଟି (ଓଡ଼ି୦୬ଜି୭୧୪୫)ରେ ମଦ ଦୋକାନ ବ୍ୟବସାୟରୁ ମିଳିଥିବା ୫ ଲକ୍ଷ ୬ ହଜାର ଟଙ୍କା ନେଇ ଅନୁଗୁଳରେ ଥିବା ମାଲିକଙ୍କ ନିକଟକୁ ଯାଉଥିଲେ। ଏହି ସମୟରେ ଫୁଲପଡ଼ା ପାୱାର ଗ୍ରୀଡ଼ ନିକଟ ରାସ୍ତାରେ ହଠାତ୍ ୩ଟି ବାଇକ୍ରେ ୭ ଜଣ ଦୁର୍ବୃତ୍ତ ଆସି ଅତର୍କିତ ଭାବେ ଖଣ୍ଡାରେ ସୌରଭଙ୍କ ହାତକୁ ହାଣି ଦେଇଥିଲେ। ପରେ ତାଙ୍କ ସ୍କୁଟି ସହ ସ୍କୁଟିରେ ଥିବା ୫ ଲକ୍ଷ ୬ ହଜାର ଟଙ୍କା ନେଇ ପଳାଇଥିଲେ। ଆହତ ସୌରଭ ଅନୁଗୁଳ ମୁଖ୍ୟ ସରକାରୀ ଚିକିତ୍ସାଳୟରେ ଚିକିତ୍ସିତ ହେଉଥିବା ବେଳେ ଏ ନେଇ ସେ ମହୀଧରପୁର ଫାଣ୍ଡିରେ ଅଭିଯୋଗ କରିଛନ୍ତି। ପୁଲିସ ଘଟଣାର ତଦନ୍ତ କରୁଛି।